Македонија
(Видео) Тренчевска: Власта има 6 милијарди буџет, да ги зголеми платите на работниците и да исплати заостанати плати
Власта на Мицкоски и ДПМНЕ го има најголем Буџет во историјата од 6 милијарди евра а не ги покачува платите на работниците во јавниот сектор. За што е тој буџет од 6 милијарди евра ако не за да се поддржат граѓаните и работниците? Очигледно за да се богатат функционерите на власт, за нивните плати, за коли, мебел, луксузирање на власта и задоволување на интересите на елитата. За удобност на власта но не и за поголеми плати за работниците, вели Јована Тренчевска – пратеничка на СДСМ.
„Системот за зголемување на платите, воспоставен од СДСМ е целосно напуштен од актуелната власт, што резултира со влошување на животниот стандард на работниците. Тоа го потврдуваат и последните податоци од Државниот завод за статистика. Трошоците за живот се пораснати за 4,4% а цените на основните производи се зголемени за 4,3%. Граѓаните имаат се помалку пари во џебовите, работниците живеат се потешко“, вели Тренчевска и додава:
„СДСМ бара власта да ги напушти овие погрешни политики и да ги покачи платите на работниците во јавниот сектор. Дополнително, недозволиво е поради неспособност на актуелната власт околу 1.000 вработени во јавниот сектор се уште да бидат остевани без плата. 988 вработени во инспекторатите власта ги остави без плата токму за празниците. Власта создаде хасо со измени во Законот за организација и работа на органите на државата управа. Со распределбата и создавањето на новите министри инспекциските служби власта ги стави под капа на министерствата и не се повеќе самостојни органи. Цела им беше само да им бидат под контрола работата на инспекциските служби а работниците ги оставија на маргините и целосно ги заборавија. Затоа луѓето немаат земено плата. Од јуни, кога беше усвоен Законот до сега, цели 7 месеци власта не успеа да најде соодветно решение, да обезбеди соодветни законски измени за да не дојде до ова. Тотално неспремни и непособни. Вработените се збунети, не знаат ниту како ќе функционираат. Срамно и тажно е работниците да бидат принудени да протестираат барајќи нешто што го заслужиле, што им следува и што го заработиле. СДСМ е на страна на работниците и бара од Владата итно да преземе чекори за зголемување на платите во јавнот сектор, за потпишување на колективните договори и за решавање на проблемите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Снегот се натрупува, движењето по улиците низ Чаир и Бутел отежнато
Движењето на возилата по булевар „Христијан Тодоровски Карпош“ во Бутел е отежнато, а снегот се натрупува. Нема трага ниту од сол на патот, ниту од служби, велат жителите.
Македонија
Забрани за камиони на планинските превои Ѓавато, Пресека, Маврово – Дебар и Струга – ГП Ќафасан
Забрани за тешки товарни возила на планинските превои Ѓавато, Пресека, Маврово – Дебар и Струга – ГП Ќафасан, извести АМСМ.
Сообраќајот на државните патишта се одвива непречено, по претежно влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Сопиште и Илинден денеска без струја
Од ЕВН Македонија известуваат дека за денеска се планирани два прекини и тоа:
– во периодот од 09.00 до 12.00 часот, корисниците на дел од село Добри Дол. (општина Сопиште)
– во периодот од 09.00 до 15.00 часот, дел од корисниците во село Кадино кон црквата Св.Илија, улица 6. (општина Илинден)

