Македонија
Тренчевска: Започнува со работа новиот дневен центар за деца со попреченост во општина Карпош
Во Општина Карпош во Скопје денес официјално е отворен новиот дневен центар со индивидуални третмани за деца со попреченост. Во дневниот центар 32 деца на возраст од 2 до 10 години, ќе добијат индивидуален третман од стручните служби согласно нивната потреба, за што е направена претходна проценка. Услугата ќе ја обезбедат стручни соработници и специјални едукатори, од здружението „Монтесори“, кое е давател на оваа услуга. „Монтесори“ има огромно искуство и знаење во областа, а преку овој центар ќе придонесе за поголема инклузивност на децата во заедницата, известува МТСП.
Токму инклузивноста е една од главните цели на Проектот за подобрување на социјалните услуги, во чии рамки е и дневниот центар за деца со попреченост. Проектот за подобрување на социјалните услуги е еден од инструментите преку кои се реализира целокупната социјална реформа, од страна на Министерството за труд и социјална политика, општините и давателите на услугите.
„Главна цел на социјалната реформа е подигнување на квалитетот на живот за сите граѓани, која е адаптирана согласно потребите на граѓаните и нуди конкретен одговор на нивните очекувања и овозможува поголема инклузивност. Исто така, преку адекватни социјални услуги ние директно придонесуваме за јакнење на човечкиот капитал и намалување на сиромаштијата. Ваквиот пристап овозможи поголема достапност на услугите за поголем број на граѓани, со што ефектите се повеќекратни. Денес имаме навистина благородна причина и со огромна радост го отвораме новиот дневен центар каде што дечињата ќе можат да добијат соодветен третман и да се подготват за поголемо вклучување во заедницата. Ги повикувам родителите да ги користат услугите на центарот, а ние ќе продолжиме со креирање на социјални услуги по мерка на граѓаните“, истакна министерката за труд и социјална политика Јованка Тренчевска.
Во процесот на децентрализација како дел од социјалната реформа, улогата на општините во градење на одржлив и функционален систем за обезбедување на социјални услуги е од исклучително значење.
„Општина Карпош е прва општина која ги препозна можностите што ги нуди Проектот за развој на социјалните услуги, пред сѐ во насока на задоволување на потребите на своите граѓани. Таа беше апликант со дури два проекта уште во првиот повик на Министерството за труд и социјална политика и Светска банка. Годи сме што и двата проекта беа одобрени и ги исполнија строгите критериуми на Светска банка. Тоа е показател дека нашата општина умее да ги детектира потребите на граѓаните и да понуди решенија преку различни форми, а во овој наврат со избор на невладини организации кои имаат капацитет да дадат квалитетни услуги“, изјави градоначалникот на Општина Карпош Стевчо Јакимовски.
На отворањето на дневниот центар за деца со попреченост кој ќе работи под водство на стручните лица од Монтесори, организација која има огромно искуство во оваа област, присуствуваше и Билјана Стерјадовска Стојчевска претседателка на Македонското Монтесори здружение, која истакна:
„Монтесори програмата се базира на три значајни принципи: човечко достоинство, мир и слобода. Токму овие принципи се основа за активностите во новиот дневен центар за деца со попреченост и во целост ќе бидат имплементираникој започнува да работи согласно нашата програма. Во работата со децата ќе се користат најновите сознанија во областа, а нашето досегашно искуство дополнително ќе придонесе за поголема инклузивност на дечињата и ќе бидеме поддршка за нив и за нивните семејства“.
Дневниот центар за деца со попреченост во општина Карпош е еден од проектите што ги спроведува Министерството за труд и социјална политика преку Проектот за подобрување на социјалните услуги. Досега се поддржани 34 проекти во 37 општини.
Покрај дневниот центар за деца со попреченост, се обезбедуваат и услуги за помош и нега на стари лица во домот, дневни центри за стари лица и центри за рехабилитација и реинтеграција на лица со попреченост. За давање на услугите засега се обучени 300 лица, а ќе бидат опфатени повеќе од 1200 корисници.
Преку вториот јавен повик избрани се уште 12 проекти во 17 општини, кои се во фаза на лиценцирање и подготовка за спроведување на социјалните услуги. Се очекува до средината на годината да почнат да даваат услуги кон корисниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Светиот крст на Водици за прв пат ќе се фрла во водите на езерото Јасика во Долно Лисиче
Оваа година за првпат во Долно Лисиче започнува една убава традиција, односно фрлање на светиот крст во водите на езерото Јасика. По тој повод организаторите на настанот ги покануваат верниците во Бога да присуствуваат на овој настан со надеж дека ќе прерасне во традиција.
„Почитувани верници во Бога, на 19.01.2024 на Богојавление – Водици, за прв пат во Долно Лисиче ќе се организира фрлање на светиот крст во водите на езерото Јасика. Во заедничка организација на Црковниот одбор при Храмот Света Троица и ресторанот Рибник Езеро Јасика ќе започнеме една традиција која се одржува секоја година. Сите заинтересирани кои сакаат да скокаат по крстот да се пријават кај секретарот Бобан Блажевски 070710378 или во самиот Црковен Храм Св.Троица со лични податоци и телефонски број како и доставена медицинска белешка за здравствената состојба на кандидатот“, велат организаторите на настанот.
За тој што ќе го фати крстот ќе биде доделена рачно изработена икона и уште една вредна награда. Пред самиот чин на скокање во осветените води ќе биде извршена уште еден медицински преглед од страна на медицинската екипа.
После фаќањето на светиот крст сите присутни ќе бидат почастени со топло чајче и греана ракија, а доколку некои од верниците во Долно Лисиче сака да донесе некое мезе или сукано истото ќе биде добредојдено.
Детална агенда за настанот:
Крст ќе се фрли во осветените води точно во 12:00. До сега има 15 пријавени кандидати, до сабота кој не се пријавил може да се пријави.
Настанот ќе го проследи и градоначалникот на Општина Аеродром кој лично ќе му ја врачи едната вредна наградата на среќниот капач, а втората вредна награда голема рачно изработена икона ќе ја врачи Отец Оливер Петровски во просториите на Црковниот Храм Св.Троица по завршувањето на манифестацијата.
Распоред на активности:
08:00 – 10:00 утринска богослужба во Храмот „Св.Троица“
11:00 собир во дворот на Св.Троица
11:40 осветување на водите
12:00 спуштање на Светиот крст во осветените води
Греана ракија, топло чајче и пити/банички за посетителите во „Јасика“
12:30 – 13:30 греана ракија, топло чајче, пити/банички во големата сала при Храмот „Св.Троица“ каде ќе се даде втората награда.
Поканети се сите кои сакаат да присуствуваат и да ја видат оваа убава манифестација во живо.
Македонија
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили повеќе од еден час, на рути за кои воглавно се потребни по 20 до 30 минути.
Според информациите, голем метеж има кај Автокоманда поради сообраќајна незгода со неколку возила, поради што настанати се колони, а автомобилите едвај се движат и во реонот на Железара и Бутел, каде исто има информации за случена сообраќајна несреќа.
Големи колони попладнево беа забележани и кај Влае.
Засега не е позната состојбата на учесниците во незгодите.
Граѓаните се жалат на големи гужви и во реонот на скопски Аеродром, Ново Лисиче, Нерези.
Македонија
Симулациска вежба на кандидатите за полициски службеници за одговор при природна непогода
Министерот за внатрешни работи Панче Тошковски денес во Центарот за обука на МВР во Идризово, присуствуваше на симулациска вежба со кандидатите за полициски службеници, за одговор на полицијата по случена природна непогода – земјотрес и нарушување на ЈРМ од поголем обем.
„Вежбата се организира во рамките на теренско тактичката обука на кандидатите за време на последната работна недела на кандидатите од генерација 2024/2025. За симулациската вежба беше подготвено сценарио за прикажување на одговор на настаната ситуација од земјотрес. Целта на вежбата е да се претстават вештините на кандидатите за полицаец во делот на обезбедување прв одговор во случај на природна непогода и тоа преку обезбедување помош и поддршка на населението, обезбедување лице место и спасување на настрадани како и одговор на полицијата при нарушен Јавен ред и мир од поголем обем. Во спроведувањето на вежбата активно се вклучија: Црвен крст, Единицата за брзо распоредување, Единицата за службени кучиња и граничната полиција“, потенцираше министерот Тошковски.
Тошковски подвлече дека со таквите практични вежби се симулира реалност во која идните полициски службеници ќе можат да ја демонстрираат својата подготвеност за работа во сложена безбедносна состојба и е можност за унапредување на соработката и координацијата со Црвениот крст која е од суштинско значење во вакви реални ситуации.
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
Најстудено во Берово, најмногу снег на Попова Шапка
Утрово најстудено било во Берово каде што се измерени -9 степени, -8 било на Попова Шапка, -6 во Дебар, -5...
Потрагата по тригодишното дете во Сава во Загреб продолжува: уапсена мајката, сослушан е и сопругот
Потрагата по детето кое исчезна во Сава во Загреб продолжува и денеска. Во четвртокот, спасувачките служби го напуштија местото на...
Зеленски до Фицо: Пукаа во тебе зошто не прости?
„Словачката влада игра многу опасна игра критикувајќи ја воената поддршка на Западот за Украина и приближувајќи се кон Русија“, изјави...
(Видео) Илјадници студенти протестираа во Подгорица
Неколку илјади демонстранти се собраа вчера во Подгорица барајќи оставка од лидерите на црногорската влада кои раководат со безбедносниот сектор,...
Канцеларијата на Нетанјаху го потврди договорот за ослободување на заложниците
Кабинетот на израелскиот премиер Бенјамин Нетанјаху објави дека „постигнал договор за ослободување на заложниците“ кои се држат во Појасот Газа,...
Пронајдени пердуви и крв во моторите на авионот во кој загинаа 179 луѓе
Истражителите пронашле птичји пердуви и крв во двата мотори на авионот Jeju Air што се урна во Јужна Кореја на...
Израел сè уште нема да објави прекин на огнот во Газа поради условите што ги поствил Хамас
Израел нема да објави официјален крај на непријателствата во Појасот Газа додека Хамас не ги повлече условите наметнати во последен...
Даути поднесе оставка по интерпелацијата
Претседателката на Комисијата за социјална политика, демографија и млади, Илире Даути, на која ѝ беше изгласана недоверба, денеска поднесе оставка...
За повеќе oд три пати зголемен бројот на заболени од грип за една недела
За повеќе од три пати е забележано зголемување кај бројот на заболени од грип во споредба првата недела од јануари,...
Мицкоски: И Апелација докажа дека СДСМ е лажно клеветничка партија
Апелациониот суд како неоснована ја одби жалбата на СДСМ во случајот во кој партијата беше тужена од премиерот Христијан Мицкоски...
Во најдолгиот месец од годината 988 вработени во инспекторатите сè уште немаат плата, Деаноски го обвини Министерството за финансии
Вработените во сите инспекторати во државата сè уште чекаат плата иако измина законски предвидениот рок за исплата. За доцнењето на...
Владата да сакаше дијалог, денес немаше да сме на улица, рече Деаноски на третиот ден од протестите за повисоки плати на административците
Трет ден по ред вработените во неколку министерства и државни институции излегоа на получасовен протест за 30 отсто поголема плата...
