Македонија
Три часа зборувам, устата ми се исуши – се пожали Јанакиески откога судијата не дозволи пауза на судењето за „Топлик“
Судијата Осман Шабани три часа не дозволи пауза на судењето за „Топлик“, кое почна во 10.30 часот утрово. Тој не дозволи ниту пауза за тоалет на првообвинетиот Миле Јанакиески. По пет минути, се предомисли.
„Дали може да одам до тоалет“, праша Јанакиески по што Шабани рече: „Не може“, а Јанакиески врати: „Три часа зборувам, устата ми се исуши, ве замолувам да одам во тоалет“. Кога расправата продолжи, адвокатот Еленко Миланов постави прашање, судијата дозволи Јанакиески да отиде во тоалет.
Паузата ја побараа адвокатите, но и таа не беше дозволена. Тие реагираа дека им се потребни од 10 минути до половина час бидејќи три часа се суди. На ова се приклучи и Миле Јанакиески, кој рече дека по три часа исказ, губи концентрација. Адвокатката Сања Алексиќ исто така наиде на реакција кога побара да излезе на две минути пред судницата.
„Зошто до сега не го направивте тоа, сега го правевте поднесокот?“, праша Шабани откога адвокатката Сања Алексиќ побара пауза и му рече: „Треба да го дадам доказот и да ставам печат на поднесокот, печатот е кај мене“.
Во текот на сведочењето судијата се предомисли и даде пауза од 20 минути.
Во текот на исказо,т кој Миле Јанакиески го дава по три години судења, наиде на реакции од обвинителот Бурим Рустеми, кој сметаше дека обвинетиот анализира и дава завршни зборови.
„Прашањата се одвиваат до анализа што треба да ја има комисијата за јавно наддавање, а обвинетиот одговори дека немал директен контакт со комисијата, што е логично дека тој не може да знае што имала, а што немала. Секоја анализа на доказите на комисијата е класична злоупотреба на одбраната да се впушти во давање завршен збор, што е недозволиво“, рече Рустеми.
На ова возврати адвокатот Еленко Миланов, кој бараше приговорот да се одбие.
„Обвинението по кое постапуваме е за Јанакиески како соизвршител со сите други обвинети како членови на комисијата. Во таа насока и неговата одбрана, во делот на тоа кои подзаконски акти и како ја регулира потребната документација, како и неговите сознанија за тоа, ако ги има, претставува дел од неговата одбрана. Замолувам да се опомене обвинителот во делот на зборовите: злоупотреба на одбраната и бранителите“, рече Еленко Миланов.
Сепак, Осман Шабани го прифати приговорот.
„Размислувам дали да ви дозволам други вакви прашања. Ова е анализа на докази, не е одбрана. Приговорот се прифаќа“, рече Осман Шабани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Следува променливо облачно време со повремени врнежи од дожд и снег
Времето утре ќе биде променливо облачно со врнежи од дожд, кои локално ќе бидат пообилни (над 25 l/m²), особено попладне и во текот на ноќта. На планините врнежите ќе бидат од снег. Ќе дува засилен ветер од јужен правец (над 60 km/h).
Минималната температура ќе биде во интервал од 7 до 12, а максималната ќе достигне од 10 до 17 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од јужен правец. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер во четврток врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурите ќе бидат во опаѓање.
Македонија
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека 40 километри од автопатот се ставени во функција.
„Погледнете го ова прекрасно ноќно видео од делот од автопатот Охрид – Кичево. 40 километри се веќе во функција. Се надевам голем број македонски граѓани ќе возат по овој автопат на пат кон Балканскиот Ерусалим – Охрид за овој Божиќ. Честитки на сите вредни работници кои се посветија на неговата изградба! За многу години Божиќ и Бадник!“ порача вицепремиерот Николоски.
Македонија
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и Центар со желба секое семејство да ја почувствува топлината на празникот на својата трпеза“, извести премиерот Христијан Мицкоски преку социјалните мрежи.
„Бадник не е само ден, туку порака дека заедништвото, љубовта и солидарноста нe прават посилни“, додаде Мицкоски.

