Македонија
Тројца кумановци формирале терористичка група по примерот на Исламската држава
Тројца кумановци се обвинети за тероризам и формирање ќелија по примерот на познатата терористичка организација Исламска држава. Во терористичката група „Ќелија“ постоела координација и заедничко дејствување со намера загрозување на животот и телото и создавање чувство на несигурност и страв кај граѓаните. Секој член имал конкретни задачи.
По спроведената истражна постапка, надлежен јавен обвинител од Основното јавно обвинителство за гонење организиран криминал и корупција, денеска, до Основниот кривичен суд – Скопје, достави обвинителен акт против три лица од Куманово. На обвинетиот Б. А. (28) му се става на товар дека сторил кривично дело терористичка организација и кривично дело тероризам, а обвинетите В. А. (22) и Е. Љ. (26) со дејствата опишани во обвинението сториле кривично дело терористичка организација и кривично дело тероризам.
„Во почетокот на 2019 година обвинетиот Б. А. создал злосторничка организација – терористичка организација ‘Ќелија’, со основи на идеолошка матрица на познатата терористичка организација ИСИС. Прифаќајќи го криминалниот план на злосторничката организација – терористичката група ‘Ќелија’, припадници станале обвинетите В. А.и Е. Љ., како и осумтемина осомничени за кои се спроведува истражна постапка од 28.12.2020 година. Во терористичката група ‘Ќелија’ постоела координација и заедничко дејствување со намера загрозување на животот и телото и создавање чувство на несигурност и страв кај граѓаните. Секој член имал конкретни задачи, и тоа: обвинетиот А. Б. како организатор обезбедувал финансиски средства за остварување на целите на злосторничката организација, го договарал и организирал набавувањето – купувањето на оружјето, муницијата и воената опрема, организирал вежбовни активности поврзани со употреба на огнено оружје и експлозивни направи, организирал средби, на кои се прикажувале видеа со радикална содржина, како и начинот на изработка на експлозивни направи. Обвинетите В. А.и Е. Љ. како припадници на злосторничката организација – терористичката група ‘Ќелија’ добивале конкретни задачи од обвинетиот А. Б., обезбедувале логистичка поддршка и имале задача да обезбедат простории, односно објект, во кој ќе ги држат оружјето, муницијата и воената опрема. Воедно, изработувале импровизирани експлозивни направи, обезбедиле патничко моторно возило со кое ќе се пренесува оружјето и учествувале во неговото пренесување и прикривање, а собирале и информации за движење и вршеле опсервирање објекти и локации.
Обвинетите, дејствувајќи по однапред направениот план, со намера да извршат едно или повеќе дела на убиство, телесно повредување, уништување јавни објекти, објекти на инфраструктурата и објекти во општа употреба на територија на Република Северна Македонија, од почетокот на 2019 година се подготвувале, купиле, пренесувале и држеле експлозив, огнено оружје, муниција, гранати, бомби и воена опрема. Притоа изработувале импровизирани експлозивни направи и во два наврата од крајот на април до средината на август 2020 година, со намера да го испробаат разорното дејство на изработените експлозивни направи, ги употребиле во напуштениот објект на поранешниот хотел ‘Ку-ба’ во близина на с. Проевце, Куманово. Како дел од обуката за користење ракетен фрлач – ‘зоља’ и другото автоматско оружје обвинетите од засега непознато лице набавиле ракетен фрлач – ‘зоља’ и вршеле пробно испалување, како и пукање со автоматска пушка во близина на местото наречено Менкова Колиба во близина на Куманово.
Имајќи ги предвид околностите што постоеле во моментот на определувањето на мерката притвор, како и специфичноста, видот, тежината и начинот на извршување на кривичното дело и оправданиот страв дека обвинетите ќе ги повторат кривичните дела, односно ќе бидат во можност да извршат кривични дела: убиство, телесно повредување, изведување терористички акти на цивилни или таканаречени меки цели, како и изведување напади на јавни објекти, објекти на инфраструктура и објекти во општа употреба на територијата на Република Северна Македонија, Обвинителството со обвинителниот акт достави и посебен предлог за продолжување на мерката притвор определена од судијата на претходна постапка“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утрово најстудено во Крушево, измерени -8 степени
Утрово најстудено било во Kрушево кадешто се измерени -8 степени, -7 било во Битола, Прилеп, Mаврови Анови и Крива Паланка, -6 Тетово, Пожаране и Берово, -5 Претор, Охрид и Попова Шапка, -4 Виница, -3 во Скопје-Петровец, Струмица, Кавадарци и Куманово, -2 во Скопје-Зајчев Рид, Велес, Демир Капија, -1 во Штип, 3 во Гевгелија.
Времето денеска
Утрото ведро и многу студено, преку денот сончево со мала до умерена облачност. Ќе дува слаб до умерен ветер од северен правец. Максималната температура ќе биде во интервал од 6 до 12 степени.
Во Скопје, сончево со мала облачност. Ќе дува слаб до умерен ветер од северен правец. Максималната температура ќе достигне до 6 степени.
Македонија
СДСМ: За колку тендери ЗНАМ ја продава Македонија?
„Колаборантите од ЗНАМ го потврдија скандалот што го објави АКТ: тендер од 1,2 милиони евра добила фирма на нивни советник од општина Кисела Вода. Ама реакциите за скандалот се како оние на ВМРО: Фактите се тие, советникот кој зема 1,2 милиони евра е наш ама „се оградуваме од инволвираност“, велат од СДСМ.
„Томовски велеше „бројот е мој, таткото е мој, зетот и внукот се мои, сè е мое, ама немам никаква врска со фирмата“. Фатени живи овие од ЗНАМ уште малку ќе кажат дека не го знаеле нивниот Советник и носител на листа во Кисела Вода.
Нема бегање. Фактите се јасни, потврдени со документи и јавно објавени.
Дали е ова прва рата од исплатата за предавството на Македонија?
За колку тендери ЗНАМ ја продава Македонија?
Не проаѓаат измислени оправдувања, потребна е одговорност.
СДСМ ги повикува ДКСК, Јавното обвинителство и Финансиската полиција да отворат истрага за најновиот скандал што го откри АКТ.
Како тоа фирма што не исполнувала услови добила тендер од 1.2 милиони евра од Пошта? Како тоа се менува сопственик само 20 денови по добивање на милионскиот тендер“, прашува СДСМ преку соопштение.
Македонија
Делови од Илинден и од Карпош денеска без струја
Од ЕВН Македонија АД известуваат дека денеска без електрична енергија ке останат:
· во периодот од 08.30 до 15.00 часот корисниците од ул 27 Белимбегово (општина Илинден)
· во периодот од 09.00 до 15.00 часот корисниците од дел од улица 2 во село Кадино, кон Црквата СВ.Илија (општина Илинден)
· во периодот од 11.00 до 14.00 часот дел од корисниците на ул.Љубљанска (општина Карпош)

