„Пред почетокот на денешната седница на Постојаната анкетна комисија за заштита на слободите и правата на граѓанинот, уште еднаш јавно ги повикуваме пратениците од власта да не бегаат и да се одважат пред родителите и народот со присуство на седницата“, велат од партијата Левица.

„Нема простор за ароганција и партиски калкулации. Поминаа девет месеци од трагедијата што однесе млади животи, а Собранието за целиот тој период не презеде ниту една суштинска мерка. Институцијата која треба да биде највисок облик на демократијата, домот на народните избраници, се однесуваше без слух за јавноста, со очигледна желба случајот да се заташка и да се заборави. Токму затоа, денес нема луксуз да продолжи со истата неодговорност. Државата им должи на семејствата и народот барем минимум сериозност и политичка зрелост.

Одржувањето на седницата зависи од пратениците од владејачкото мнозинство, членови (или нивните заменици) на Комисијата, и тоа: Александар Велјановски, Миле Лефков, Ангелинка Петкова, Петар Ристески, Бране Петрушевски, Рашела Мизрахи, Игор Здравковски, Фериде Хаџиу и Весна Бендевска.

Секој од нив има должност да се појави и да му овозможи на Собранието да ја изврши својата надзорна улога и да не биде креатор на уште еден срам со учество во блокада на оваа расправа. Нема повеќе алиби, „технички причини“ и други разни изговори. Во моментов се работи и за довербата на јавноста и за елементарно човечко достоинство.

Од мнозинството денес јавноста бара да си го оправдаат мандатот и да присуствуваат на седницата. Ако повторно посегнат по опструкции, тоа ќе значи дека ВМРО-ДПМНЕ е подготвено да ја поттурне вистината под тепих. Секоја нова опструкција ќе биде јасен доказ дека ВМРО-ДПМНЕ ја става сопствената удобност пред болката и гласот на родителите и народот кои бараат правда!“, се наведува во соопштението на партијата Левица.

Скопје, 9 декември 2025 – Еурофарм, еден од најпрепознатливите фармацевтски брендови во државата, оваа година одбележува значаен јубилеј – 25 години од започнувањето на развојниот пат од една аптека до национална мрежа која ја сочинуваат 123 современи аптеки, и препознатлива улога во македонскиот фармацевтски сектор и заедницата.

Целата приказна за досегашниот развој на Еурофарм е преставена преку видео.

Основана во 2000 година како семеен бизнис, компанијата денес вработува околу 620 лица – дипломирани фармацевти, фармацевтски техничари како и економисти, правници и друг персонал. Во изминатите 25 години компанијата ја градела својата позиција преку систематска работа, вложување во човечки ресурси и создавање мрежа од современи аптеки со отворен пристап, професионална грижа и континуирана едукација на фармацевтите. Во последните пет години, Еурофарм редовно се наоѓа помеѓу 100-те најголеми компании во Македонија, што го потврдува континуираниот раст, стабилност и квалитетен развоен модел.

„Горда сум што она што почна како мала, семејна и искрена идеја, денес е национален бренд на кого му го доверуваат здравјето илјадници граѓани. Нашиот раст никогаш не бил случаен, туку резултат на јасна визија, долгогодишна работа и посветеност на тимот составен од исклучителни професионалци“, изјави м-р спец. фарм. Татјана Стерјева, сопственичка и генерален менаџер на Еурофарм Дооел и една од првите основачи на ланецот аптеки Еурофарм.

Во изминатите години компанијата вложи значителни средства во развој на продажната мрежа, модернизација на капацитетите за складирање, унапредување на дистрибуцијата, како и во континуирана едукација и професионален развој на фармацевтите и останатиот кадар.

„Нашата најголема инвестиција секогаш биле луѓето – фармацевтите, фармацевтските техничари и сите професионалци кои го создаваат Еурофарм. Верувам дека квалитетна услуга може да се понуди само ако континуирано се вложува во знаење, стандарди и услови за работа“, додава Стерјева.

Паралелно со одбележувањето на јубилејот, Еурофарм најавува нов значаен проект: изградба на нова, современа веледрогерија, дизајнирана по највисоките светски стандарди во логистика, автоматизација и безбедност при дистрибуција на лекови. Новиот објект ќе претставува клучен чекор во следната фаза од развојот на компанијата, со цел подигнување на ефикасноста, проширување на капацитетите и обезбедување уште повисок квалитет и достапност на лекови и фармацевтски производи.

„Иднината ја гледам како продолжување на успешната приказна на Еурофарм, но со нова енергија. Ќе инвестираме во дигитални услуги, во модерни фармацевтски решенија, во образование на фармацевтите, во уште попристапни аптеки. Но најважно, ќе продолжиме да бидеме човечки бренд. Свесна сум дека здравството се менува, технологијата се менува, но довербата останува најважна. Нашата мисија за следните 10 години е многу едноставна: секој пациент да се чувствува сигурно, разбрано и поддржано“, посочува Стерјева.

Тргнувајќи од тоа дека успехот што го остварува компанијата има вистинско значење само ако е споделен со заедницата, Еурофарм во континуитет во изминатите две и пол децении реализира бројни општествено одговорни иницијативи и проекти за поддршка на заедницата, од донации во образовни и здравствени институции, до поддршка на спортски, едукативни и културни програми. Во 2023 година, компанијата ја доби и Националната награда за општествено одговорна практика за проектот „Семејно здравје“.

ПР

„Спиновите на СДС и хистеријата за наводен криминал не поминува. СДС во очај од своите егзистенцијални проблеми почна да конструира наводни скандали за некакви тендери, постапки кои се согласно закон“, реагира ВМРО-ДПМНЕ на соопштението на СДСМ.

„Секоја фирма и компанија во државава кои ги исполнува условите и критериумите има право да учествува на постапки за јавни набавки, а на крај да се избере најповолната понуда.

И во двете постапки кои СДС сака да ги претстави како скандал, испочитувана е законската процедура и фирмата која дала најповолна понуда е избрана.

Никој од имињата кои СДС ги споменува нема ниту сопственички удел, ниту некаква поврзаност со фирмите, а најмалку има допирна точка со тендерската постапка.

СДС во обвинителството си има свој републички јавен обвинител, Љупчо Коцевски, кој Венко Филипче, жилаво го брани од одговорноста за криминалот со модуларните болници, вакцините од фирми за овошје по двојно повисоки цени, приватизацијата на стерилизацијата низ јавните здравствени институции, аудито Q8 подарок од фирмата која ги доби најголемите тендери за набавка на јаглен и уште ред други.

Затоа, топло им препорачуваме, се што имаат нека поднесат кај него за да испита. Но знаат дека немаат никаков доказ, зошто се е согласно законските процедури, па само шират хистерија која веќе ни нивните членови не ја оправдуваат.

Помина времето на СДС кога тендерите се договараа во четири очи, сега сè се работи согласно закон и процедури.

Во однос на Ивица Томовски кој упорно се обидуваат да го поврзат со фирма за одржување на хигиена, иако и тој и фирмата негираа било каква поврзаност, ги прашуваме дали истата фирма, која добивала тендери во време на власт на СДС, и тогаш го чистела буџетот под нивна команда“, се додава во реакцијата на ВМРО-ДПМНЕ.