Македонија
Угриновски: За договорот со Беса, Заев продаде сѐ за што беше уценуван

За да постигне договор со Беса, Заев продаде сѐ за она што го уценуваа, изјави Драган Угриновски од „Македонија блокира“.
„Тој е изрод македонски. Тие што ќе гласаат раката да им се исуши, и тоа до седмо колено. Парите што ги зеле, да ги потрошат за свеќи за најмилото. Ние сме тука да кажеме дека тој договор нема да биде валиден без потпис од Иванов“, рече Угриновски и додаде дека полицијата ги штити предавниците.
На протестот пред Собранието се извикува „Уа, предавници“, „Македонија“, а демонстрантите бараат оставка.
Пред присутните се обрати и Сашо Лунчев од семакедонскиот национален совет, кој ги повика амбасадите да го бранат правото на самоопределување.
„И Хашкиот суд да се јави, а не да молчи, зашто во 2001 апсеше патроти. Јас сум внук на осуден за Македонија во Солун и јавно кажувам – не клечам пред никого. Ќе поднесам тужба до Хаг и таму ќе ги добиеме овие ѓубриња“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Oпштина Илинден и оваа година ќе доделува субвенции за инвертер клими или соларни панели

И оваа година општина Илинден објави Јавен повик за субвенции за купување на инвертер клими или соларни панели. Јавниот повик е според Програмата за финансиска поддршка на целни групи граѓани на Општина Илинден за 2025 година која предвидува еднократна парична помош за набавка на инвертер клими или соларни панели на лица со постојано место на живеење на територија на општина Илинден.
Износот кој го доделува општината како финансиска помош изнесува 50% од сумата за која е купена инвертер климата или соларниот панел односно до максимум 10.000,00 денари по производ. Целта на повикот, како што истакна градоначалникот Александар Георгиевски е да се стимулираат граѓаните односно домаќинствата за употреба на високоефикасни инвертер клима уреди за затоплување на своите домови, кои се поекономични, енергетски поефикасни и еколошки прифатливи за околината.
Барањата од Јавниот повик ќе бидат разгледувани по редослед според датумот и времето на пристигнување. Право на учество на Јавниот повик има секој граѓанин со постојано место на живеење во општина Илинден кој ќе купи инвертер клима или соларен панел од денот на објавување на јавниот повик од 07.04.2025 се до исцрпување на предвидените финансиски средства за таа намена.
За сите дополнителни информации заинтересираните граѓани можат да се информираат директно во просториите на Општина Илинден или на официјалната веб страница ilinden.gov.mk.
Македонија
Голема екоакција за собирање текстилен отпад во општина Аеродром

Компанијата „Тексомак“ во соработка со oпштина Аеродром организира екоакција за собирање текстилен отпад.
Првиот дел од оваа акција започнува утре, вторник, 8 април. Контејнери, каде што граѓаните ќе можат да го оставаат текстилниот отпад, ќе бидат поставени на следниве локации:
– ООУ „Лазо Ангеловски“
– ЈДГОА „Срничка“ (главен објект)
– ООУ „Љубен Лапе“
– ЈУДГ „Буба Мара“ (главен објект)
– ООУ „Браќа Миладиновци“
– Зад „Капитол мол“ (пред влезот на „Рамстор“)
Текстилниот отпад треба да биде добро спакуван во пластични ќеси со цел да се избегне негово оштетување.
Следниот чекор е едукација по училиштата и градинките што ќе се одвива во текот на наредниот период, а датумите ќе бидат дополнително објавени, извести општина Аеродром.
Македонија
Сиљановска-Давкова: Мојата земја, во сè пофрагментиран свет, останува силно посветена на ефективниот мултилатерализам, со ОН во нејзиниот центар

Претседателката Гордана Сиљановска-Давкова оствари средба со заменичката генерална секретарка на Обединетите Нации, Амина Џ. Мохамед и се обрати пред постојаните координатори на ОН од Европа и од Централна Азија.
Изразувајќи сочувство за трагедијата во Кочани, Мохамед истакна дека од несреќата, за жал, сите научија голема лекција и сфатија дека може секому да му се случи. Според неа најдобрата одлука којашто ја направила државата е што голем дел од повредените биле испратени на лекување во странство. Со ваква голема загуба, посочи таа, ниту една земја не може и не треба да се справува сама.
Разговарајќи за улогата на Обединетите Нации, како организација создадена да го штити мирот, соговорничките се согласија дека по 8 децениско постоење, неопходно е Организацијата да се реформира во согласност со современите мировни и демократски предизвици.
„Да градиме почитувано и инспиративно лидерство, да ги облагородиме суровиот реализам и силата со идеализам, со право, етика и морал“, истакна претседателката.
Заменичката генерална секретарка рече дека ОН мора да ги задржат вредностите и принципите на Организацијата и да бидат погласни, со што на сегашните и на идните земји членки ќе им докажат дека има имаат бенефит од членството во ОН.
Осврнувајќи се на процесот на нашата евроинтеграција, заменичката генерална секретарка рече дека е важно ОН да се заложат за нас, како мала земја која неправедно и предолго, чека за влез во ЕУ.
Пред постојаните координатори на ОН од Европа и од Централна Азија, Сиљановска-Давкова истакна дека иако светот претрпе длабока геополитичка, економска, еколошка, демографска и технолошка трансформација, надлежностите, структурите и процедурите на ОН останаа главно непроменети.
„Неопходни се суштински реформи што ќе ги направи Генералното собрание и Советот за безбедност полегитимни и подемократски институции во исполнувањето на Повелбата на ОН. Советот за безбедност не може да се бира, да има состав и да одлучува како во 1945 година. Тој мора да се реформира и да стане поодговорен за одржувањето на меѓународниот мир и безбедност. Генералното собрание мора да ја надмине својата дебатна улога и да прерасне во клучно тело во процесот на одлучување и креирање политики. Пресудите на Меѓународниот суд на правдата мора да станат обврзувачки за сите држави“, рече таа.
За неа координаторите на ОН се носители на глобалната совест, поборници и борци за мир, даватели на помош на оние на кои им е најпотребна, носители на надеж во време на очај. Таа им ја изрази и вети нејзината поддршка и додаде: „Како човек којшто го посветил својот живот на правото и правдата, сè уште верувам во потребата од ефективен мултилатерализам со силни, реформирани Обединети Нации“.
Претседателката исто така, ја истакна нашата заложба за интегрирање на Целите за одржлив развој во националната стратегија, фокусирајќи се на климатските активности, еднаквоста и владеењето на правото.