Македонија
Унапредување на системот на собирање и дистрибуција на вишокот храна во Крива Паланка

На покана на градоначалникот Борјанчо Мицевски, денеска во општина Крива Паланка беше претставник на граѓанското здружение ,,Сите сити“ од Скопје, Блаже Јосифовски, со кого се разговараше за системот на донирање и дистрибуција на вишокот храна во општината.
На работниот состанок Мицевски ја изнесе идејата и потребата од проширување на постоечките народни кујни и разработка на идеи и начини за што поефикасно собирање и дистрибуција на храната од локалните ресторани, пекарски фирми и млекарници.
„Во моментот во општината имеме вкупно 92 корисника на дневни оброци од кои 37 се во општина Ранковце, но нашите согледувања се дека има потреба од зголемување на дистрибуцијата на храна на различни групи корисници со специфични потреби, а за тоа ни е потребен поефикасен и директен начин на собирање на храната”, рече Мицевски.
Претставникот од здружението ,,Сите сити“ ги пренесе нивните позитивни искуства во системот на донирање на вишокот храна на територијата на град Скопје, како и пилот-програмата за ваквите активности, која ова здружение веќе ја спроведува во општините Прилеп и Куманово.
На состанокот беа договорени идните чекори со кои, преку меѓусебна соработка и активности на општина Крива Паланка со граѓанските здруженија, ОО на Црвен крст и Меѓуопштинскиот центар за социјални работи, ќе се подобрат и унапредат можностите на веќе постоечкиот начин на собирање и дистрибуција на вишокот храна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Герасимовски: Со новата механизација го исчистивме сметот во Центар

Градоначалникот Горан Герасимовски, информира дека во текот на вчерашниот ден хигиеничарите од општината со новата механизација за чистење го собраа целиот смет од улиците во Центар.
„Целиот смет е собран од центарските улици. Нашите вредни хигиеничари вчера чистеа и во населбата Кале, а потоа со цистерна ги миеја улиците. Самите го исчистивме Центар, додека Град Скопје и ЈП „Комунална хигиена“ го преплавија цело Скопје со смет. Им благодарам на хигиеничарите што секојдневно се на терен, неуморно работејќи за наша почиста општина“, рече Герасимовски.
Македонија
Муцунски во Њујорк: Активна агенда со билатерални и мултилатерални средби

Шефот на македонската дипломатија, Тимчо Муцунски, во рамки на учеството на 80. Генерално собрание на Обединетите Нации во Њујорк, оствари низа билатерални средби и учествуваше на значајни мултилатерални настани.
Во одвоени средби со неговите колеги – министерот за надворешни работи на Кипар, Константинос Комбос, и министерот за надворешни работи на Султанат Оман, Сајид Албусаиди – беше потврдена заложбата за понатамошно унапредување на односите. Со министерот Комбос акцентот беше ставен на поддршката за европската интеграција и улогата на Кипар како земја-членка на ЕУ, која од јануари 2026 година ќе го преземе претседавањето со Унијата. Во разговорите со министерот Албусаиди, пак, фокусот беше насочен кон развој на билатералната соработка, особено во областа на трговијата и економијата.
Муцунски учествуваше и на Првиот биенален Самит за одржлива, инклузивна и отпорна глобална економија, каде ја нагласи улогата на Обединетите Нации во справувањето со глобалните предизвици и ја истакна посветеноста на државата кон спроведување на Целите за одржлив развој, усогласени со Националната стратегија за одржлив развој.
На покана на италијанскиот министер за надворешни работи, Антонио Тајани, министерот Муцунски присуствуваше и на работниот појадок со групата „Пријатели на Западен Балкан“, каде се разговараше за европската перспектива на регионот, стабилноста и регионалната соработка. Муцунски нагласи дека земјата останува цврст и конструктивен партнер на Европската Унија – посветена на реформите, владеењето на правото и економскиот раст, известува Министерството за надворешни работи.
Македонија
„Над 2 милиони денари од партиската каса на Левица директно во џебовите на Апасиев, Мојсоска, Мециновиќ, Крмов и Исмаил“, велат од ВМРО-ДПМНЕ

„Двојните аршини на Левица излегоа на виделина. Раководството на Левица го покажа вистинското лице и се разобличи пред целокупната јавност. Заврши глумата на Апасиев, Мојсоска, Мециновиќ, Крмов и Исмаил, кои си инкасирале во своите џебови над 2 милиони денари од Левица“, соопшти ВМРО-ДПМНЕ.
„Нема повеќе глумење на сиромашни револуционери со полни џебови. Маските паднаа. Левица повеќе не може да се крие зад евтини фрази, глумење скромност и идеологија додека позади камерите раководството ги полни личните трансакциски сметки од партиската каса.
Апасиев над 700 илјади денари ставил во сопствениот џеб од парите на партијата Левица, пари кои ги добива од граѓаните преку Буџетот на државата.
Мојсоска иако е пратеник само годинава од партијата инкасирала 3 пати по 54 000 денари.
Крмов, над 270 илјади денари од Левица пикнал во својот џеб.
Реџеп Исмаил исто така си инкасирал во свој џеб 300.000 денари од партиската каса.
Народот не е наивен, Левица не се бори за правда и еднаквост туку за личен бенефит и богатење на тесниот круг на раководството на партијата“, соопшти ВМРО-ДПМНЕ.