Македонија
Утрово дојави за бомби во 15 скопски училишта, учениците се надвор, полицијата прави проверки
Неколку скопски средни училишта и утрово добија дојави за поставени бомби на електронските адреси. Прекинат бил првиот час, а професорите побарале учениците да излезат надвор и да почекаат да завршат проверките.
Онаму каде што единицата за антитероризам поминала, учениците веќе се враќаат на наставата.
Првпат меѓу училиштата што добија закана за бомби денес е и гимназијата „Георги Димитров“ во Тафталиџе.
„Денеска, околу 8.30 часот, во СВР Скопје било пријавено дека на електронските адреси на 15 училишта во Скопје упатена е закана за поставена експлозивна направа. Веднаш по добиените пријави, од полициски службеници преземени се мерки за безбедно евакуирање на објектите и во тек се антитерористички проверки и се преземаат мерки за расчистување на случаите“, соопшти МВР.
Премиерот Димитар Ковачевски на вчерашната прес-конференција изјави дека речиси е невозможно да се детектира од каде доаѓаат дојавите за бомби.
Тој појасни дека голем дел од дојавите се прави преку т.н. ВПН-врски хостирани во странство.
Скопските средни училишта дојави за бомби почнаа да добиваат во октомври. Во меѓувреме, лажни дојави за експлозивни направи имаше и за Народната банка, „Ист гејт“, ТЦ „Бисер“, ГТЦ, железничката станица, кулите „Џевахир“, Министерството за надворешни работи, „Флатирон“ и други објекти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.