Македонија
„Фени“ ќе почне со работа на штета на вработените – Левица бара национализација
![](https://makfax.com.mk/wp-content/uploads/2024/06/Screenshot-2024-06-10-173725.jpg)
Стартот на производство во тенденциозно ограбениот од офшор компании, индустриски комбинат „Фени“, според најавите, е неизвесен, велат од Левица. Причината за ова, како што појаснуваат, е што работниците сѐ уште немаат склучено договори за вработување.
„Главен проблем е тоа што на работниците им се нудат мизерни услови по однос на месечните примања. Згора на тоа, новите сопственици се закануваат со увоз на работници од Косово!
Претходните апели на Левица да се искористи можноста за национализирање на компанијата, која е во една од најпрофитабилните индустрии, беа занемарени од претходната власт. Затоа, повторно упатуваме апел да се преземат потребните чекори за враќање на достоинството на вработените, кои не бараат дополнителни, туку си ги бараат заслужените примања, согласно видот на дејноста што ја извршуваат“, истакнуваат од Левица во нивното соопштение.
Пратеникот од Левица, Сашко Јанчев, се сретна со вработените пред Фабриката и изјави дека Левица има долгорочен план за максимално искористување на суровината, намалување на количината на јаловина, еколошки одржливо производство и достоинствен живот на работниците кои макотрпно работат во еден од најголемите извозни капацитети во државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Герасимовски: Учениците до 10 години може да бидат згрижени во градинките и за летниот распуст
![](https://makfax.com.mk/wp-content/uploads/2024/06/WhatsApp-Image-2024-06-18-at-12.34.17_3e21fbd8.jpg)
Општина Центар известува дека учениците до 10 години ќе може да бидат згрижени во градинките за време на летниот распуст до исполнување на капацитетите. Денеска Општина Центар потпиша Меморандум за соработка со основните училишта и градинките за меѓусебна поддршка и соработка на проекти и работилници во областа на образованието.
„Преку оваа соработка сакаме да им излеземе во пресрет на сите родители кои поради работните обврски имаат потреба од згрижување на нивните деца до 10 годишна возраст. За таа потреба ги отвораме градинките и за школските деца каде со наставнички од основните училишта ќе имаат едукативни работилници и други активности за време на летниот распуст. Слободните места за упис на дечињата секако зависи од капацитетите на детската градинка“, потенцираше Герасимовски.
Општина Центар информира дека ученици до 10 години ќе може да бидат згрижени во 5 објекти, а за сите дополнителни информации и критериуми родителите може да се информираат во градинките.
Македонија
Силјановска-Давкова се сретна со унгарскиот амбасадор: посочени можностите за продлабочување на економската соработка меѓу двете земји
![](https://makfax.com.mk/wp-content/uploads/2024/06/Foto-1.jpg)
Претседателката Гордана Сиљановска Давкова денеска го прими амбасадорот на Унгарија, Андраш Клајн.
На средбата беше поздравен интензивниот политички дијалог и изразена подготвеност за натамошна успешна соработка меѓу двете земји на билатерален и мултилатерален план.
Претседателката се заблагодари за принципиелната и континуирана поддршка од Унгарија како гласен поддржувач на македонската европската интеграција, што претставува наш стратешки и национален интерес и ги поздрави приоритетите на унгарското претседавање со Европската Унија и најавите во однос на политиката на проширувањето.
Во таа насока, беа разменети информации околу текот на македонските евроинтеграции, при што претседателката го истакна очекувањето дека процесот на пристапување во Европската Унија ќе биде евалуиран праведно, врз основа на Копенхагенските критериуми.
Соговорниците разговараа и за соработката во сферата на образованието, науката, одбраната и транспортот, при што претседателката изрази надеж дека во наредниот период дополнително ќе се продлабочи започната соработка помеѓу државните и високообразовните институции на двете земји.
На средбата беа посочени можностите и за продлабочување на економската соработка меѓу двете земји и зголемување на трговската размена.
Македонија
Од четврток активно портокалово ниво за опасност од високи температури во Македонија
![](https://makfax.com.mk/wp-content/uploads/2018/07/toplo-vreme.png)
Од утре до недела нашето подрачје ќе биде под влијание на стабилна и многу топла воздушна маса од југ, која ќе предизвика сончево и натпросечно топло време за овој период од годината. Дневните температури насекаде ќе бидат над 30, а наместа ќе достигнуваат 40 степени.
Според прогнозираните и пресметаните гранични вредности на екстремни температури од УХМР, на територијата на нашата земја утре ќе биде активно жолто, а во Скопската и Полошката Котлина портокалово ниво за опасност од високи температури.
Поради натамошен пораст на температурите, од четврток насекаде ќе биде активно портокалово ниво.