Македонија
Филипче соопшти детали за случајот во Куманово – пациентката тврдела дека не била во странство
Министерот за здравство Венко Филипче на вечерашната прес-конференција изнесе детали во однос на 57-годишната пациентка од Куманово која е првата жртва на коронавирусот.
Податоците што тој ги добил од болницата во Куманово и од Институтот за јавно здравје се дека првпат пациентката дошла на преглед на 16 март, со покачена температура. Веднаш ѝ биле поставени епидемиолошките прашања, а таа одговорила дека не патувала во странство и немала контакт со лица кои патувале.
Утредента, на 17 март, таа дошла со синот во болницата, а и двајцата имале покачена температура. Повторно, според Филипче, таа негирала дека патувала во странство и дека имала каков било контакт со лица од странство.
На 17 и 18 март мајката и синот примале терапија, а на 19 март таа била примена во болницата со нешто потежок наод.
„Направени се снимки, констатирана е пневмонија и двајцата се сместени во Одделот за изолација. Тогаш и се земаат брисеви, на 19 март. Двата тестови биле негативни. Утредента, кај пациентката е земен уште еден брис, како што налагаат препораките на СЗО, кога постојат симптоми на коронавирусот. И тој тест бил негативен. Веќе на 21 март состојбата ѝ се влошува, направени се обиди за реанимација, но пациентката починува“, рече Филипче и изрази сочувство до фамилијата.
Посмртно, вели тој, повторно се земени материјали и тестот за коронавирус бил позитивен.
„Претходно земените материјали повторни се преиспитани и утврдено е повторно дека се негативни. Консултиравме експерти, консултиравме литература, но тестовите не се секаде и секогаш 100 процентно сензитивни и тоа е докажано“, рече Филипче.
На новинарско прашање колку заболени од коронавирусот се очекуваат во наредниов период во земјава, министерот за здравство Венко Филипче изјави дека постојат одредени претпоставки и дека пикот на болеста се очекува за еден месец од денеска.
„Тешко е дека се каже, имаме некои претпоставки, но имаме и нови мерки. Верувам дека ќе успееме да го намалиме бројот на пациенти. Сметам дека пикот на болеста во наши услови, со сегашните мерки и сегашните епидемиолошки податоци може да биде од еден месец за денеска“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во прекин сообраќајот кон Ќафасан поради сообраќајка
Поради сообраќајна незгода сообраќајот према ГП Ќафасан е во прекин во двата правци, информира АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Сончево време со температура до 6 степени
Времето ќе биде сончево и студено со мала до умерена локална облачност. Ќе дува засилен до силен северен ветер и наместа ќе има услови за провејување на снег. Минималната температура ќе биде во интервал од -10 до -4, а максималната ќе достигне од -3 до 6 степени, информира УХМР.
Во Скопје, претежно сончево и студено со умерен ветер од северен правец. Минималната температура ќе се спушти до -6, а максималната ќе достигне до 3 степени.
Во четврток и во петок ќе се задржи студено време со минимални температури кои насекаде ќе бидат негативни, а локално ќе се спуштат и под минус 10 степени.
Од петок и во деновите потоа ќе преовладува променливо облачно време со повремени локални врнежи, претежно од дожд. Ќе дува умерен до засилен ветер од јужен правец, а температурите ќе биде во пораст.
Македонија
Сообраќајна несреќа на патот Кочани – Штип, сообраќајот во прекин
Од 20:30 часот сообраќајот на магистралниот пат А-3 Кочани – Штип (с.Долни Подлог – с.Тркање) е во прекин, поради сообраќајна незгода.
Сообраќајот се пренасочува преку с.Тркање кон екпресен пат Кочани – Штип, соопшти АМСМ.
Нова студија: Давањето мобилни телефони на деца пред 13-годишна возраст може да биде особено опасно
Новите научни студии објавени во 2025 година даваат сè појасна слика за ризиците од раниот пристап до паметни телефони и...
САД се сомневаат во руската приказна за нападот врз резиденцијата на Путин: „Се чини несоодветно“
Амбасадорот на САД во НАТО, Метју Витакер, денес изрази сомнеж врз руските тврдења дека Украина ја нападнала резиденцијата на претседателот...
Франција купува авиони за рано предупредување од Сааб за 1,14 милијарди евра
Франција потпиша договор со шведската одбранбена компанија Сааб за купување на два авиони за рано предупредување во вредност од околу...
Германија ја прекина истрагата против тајкуните на Путин во замена за 10 милиони евра
Германските обвинители објавија дека ќе ја прекинат истрагата против рускиот олигарх Алишер Усманов, близок сојузник на рускиот претседател Владимир Путин,...
ЕБОР одобри над 20 милиони евра кредит за модернизација на железничкиот товарен возен парк во Македонија
ЕБОР одобри 20,9 милиони евра кредит на Северна Македонија за набавка на нови електрични локомотиви и современ систем за планирање...
ДПИ со засилени контроли: издадени се 96 прекршочни платни налози во износ од 2,8 милиони денари
Државниот пазарен инспекторат во текот на месец декември спроведе засилени инспекциски надзори кај угостителските објекти на територија на цела држава...
Петарда експлодира во раката на осумгодишно дете од Врапчиште, заврши на Клиника
Осумгодишно дете од селото Врапчиште, гостиварско, се здобило со сериозни повреди на раката кога му експлодирала петарда. Настанот бил пријавен...
Електродистрибуција со засилено отчитување за празниците
Во насока на обезбедување на поголемо отчитување во најоптоварениот период од годината и задоволување на потребите на корисниците, Електродистрибуција ќе...
Вонредни контроли во рестораните, месарниците и рибарниците: уништени 624 килограми небезбедна храна
Во пресрет на новогодишните и божиќните празници, инспекциските служби на Агенцијата за храна и ветеринарство (АХВ), со цел обезбедување на...
(Фото) Се преврте цистерна на патот Струга – Ќафасан, сообраќајот во прекин
Министерството за внатрешни работи информира дека во моментов во целосен прекин е сообраќајот на патниот правец Струга – Граничен премин...
Украина: Нема докази за напад врз резиденцијата на Путин, тоа не се случило
Украина соопшти дека не постојат докази за тврдењата на Русија дека украински беспилотни летала нападнале една од официјалните резиденции на...
Зголемени цените во индустријата во ноември
Продажните цени на производителите на индустриски производи на домашниот пазар во ноември 2025 година се зголемени за 0,3 отсто во...
Декемвриската пензија ќе се исплати навремено, на 2 јануари 2026 година, известува Фондот на ПИОМ
Фондот на ПИОМ ги известува сите корисници на пензија дека целосно се обезбедени потребните средства за исплата на пензиите за...
„Дали на Бихаќка Нова година ќе си честитаат по дубајско време“, прашуваат од ВМРО-ДПМНЕ
„Откако лидерот на СДС, Зоран Заев одамна се смести во Дубаи, а Венко Филипче побрза да избега кај него за...
(Видео) Зајкова: Реформи за Судски совет донесени на брза лента не градат доверба
Претседателката на Либерално-демократската партија (ЛДП) и пратеничка во Собранието, Моника Зајкова, остро реагираше на начинот на кој се носи новиот...
До кога Бугарите ќе можат да плаќаат и во лева и во евра по 1 јануари 2026 година
За разлика од неограничената размена на лева за евра, плаќањата во обете валути, познати како период на двојна циркулација, се...
Уапсен возачот кој во скопски Чаир со автомобил удри во дете и избега
Вчера полициски службеници од СВР Скопје го лишија од слобода 65-годишниот С.И. поради сторено кривично дело по член 300 од...
Медведев: Зеленски ќе мора да се крие до крајот на животот
По нападот со беспилотни летала врз резиденцијата на рускиот претседател Владимир Путин во регионот Новгород, Володимир Зеленски ќе мора да...
Земјотрес почувствуван во Охрид и блиската околина
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Украина: Русите измислија напад врз резиденцијата на Путин, имаат две причини за тоа
Украинскиот министер за надворешни работи Андриј Сибиха изјави дека руските тврдења за наводниот „обид за напад врз резиденцијата на Путин“...
