Македонија
Франција ја објави стратегијата за Западен Балкан

Франција ја објави стратегијата за Западен Балкан по барање на францускиот претседател Емануел Макрон, кој е против проширувањето на Унијата. Оваа стратегија следува еден ден по самитот на лидерите на Западен Балкан во Берлин и е објавена на француски, македонски и на албански јазик.
Според информациите, Макрон побарал да се изработи стратегијата врз основа на анализа во која стои дека земјите од регионот, Словенија, Хрватска, Албанија, Босна и Херцеговина, Косово, Северна Македонија, Црна Гора и Србија, оствариле значаен напредок, но дека се потребни многу реформи, кои би овозможиле постојана стабилизација и одговори на предизвиците со кои се соочуваат.
Областите во кои се потребни реформи се економските и социјалните прашања, тешкотиите во постојаното воспоставување на владеењето на правото, безбедносните прашања и надворешните влијанија, кои, како што се наведува, го пренасочуваат регионот од неговата европска перспектива.
Според барањето на Макрон, конкретната стратегија за Западен Балкан подразбира поголема посветеност на Франција на стабилизација на шест земји од регионот, кои не се членки на ЕУ, а во смисла на нивен економски и општествен развој и зајакнување на владеењето на правото.
Францускиот претседател Макрон годинава се очекува да ги посети Србија, Албанија и Косово, но не се споменува Република Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За една недела, „пајакот“ кренал 74 возила во Центар

ЈП Паркинзи на Општина Центар во соработка со Сообраќајната полиција-Скопје во периодот од 28.07. до 02.08.2025 година, со помош на специјалните возила „Пајак“ отстранија 74 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.
Македонија
Бизнисменот Душко Чифлиганец загина во несреќа со мотор

Младиот бизнисмен Душко Чифлиганец загина на 32-годишна возраст во несреќа со мотор во Брно, Чешка.
Тој е син на познатиот стопанственик и универзитетски професор Ванчо Чифлиганец и беше заменик-претседател на „Адора бизнис-групацијата“.
Чифлиганец беше љубител на спортскиот мотоциклизам.
Македонија
Активни четири пожари во Македонија

До 07:00 часот утрово регистрирани се 23 пожари во Македонија, од кои четири се активни, два се под контрола, а 17 се изгаснати, информира Центарот за управување со кризи.
Активни пожари: 4
1. Општина Чашка: над Богомила (мешана шума)
2. Општина Липково: помеѓу с. Ваксинце – с. Слупчане (нискостеблеста шума)
3. Општина Студеничани: с. Дречавица (шумски пожар во планина)
4. Општина Македонски Брод: с. Грешница (деградирана нискостеблеста шума)
Пожари под контрола: 2
1. Општина Долнени: с. Стровија, зад место викано Гајдарец – Клепало (нискостеблеста шума)
2. Општина Желино: с. Церово (мешана шума)
Изгаснати пожари: 17
1. Општина Берово: Планина Готен кон Малешевските планини (бор, бука, смрека, грмушки и ниска вегетација)
2. Општина Брвеница: с. Милетино (запалени ниви)
3. Општина Струмица: с. Доброшинци (депонија)
4. Општина Гевгелија: с. Прдејци (ниска вегетација)
5. Општина Куманово: Стара Циглана (ниска вегетација)
6. Општина Крушево: Градски гробишта Игумења (ниска вегетација)
7. Општина Долнени: с. Дебреште (депонија и ниска вегетација)
8. Општина Струга: помеѓу с. Долна Белица – с. Велешта (ниска вегетација)
9. Општина Студеничани: мостот на Маркова Река (ниска вегетација)
10. Општина Сарај: (сува трева и ѓубре)
11. Општина Сарај: с. Рашче (мешана шума)
12. Општина Сарај: с. Буковиќ (нискостеблеста вегетација)
13. Општина Арачиново: до Обиколница (ниска вегетација)
14. Општина Кисела Вода: с. Горно Лисиче (ниска вегетација)
15. Општина Чучер Сандево: Качанички пат (ниска вегетација)
16. Општина Прилеп: с. Алинци (депонија)
17. Општина Прилеп: позади маркет „Стибера“ (ниска вегетација)
18. Општина Студеничани: на стариот пат за с. Батинци (ниска вегетација и ѓубре)
————————