Македонија
Фрчат казни за адвокати во кривичниот суд, тројца казнети со 1000 евра

Поради неприсуство на тројца адвокати, Судот го одложи денешното рочиште за предметот на специјалното јавно обвинителство со кодно име „Топлик“. Судијата Осман Шабани парично ги казни со по 1 000 евра адвокатите на обвинетиот ексминистер за транспорт и врски Миле Јанакиески, Еленко Миланов и Сања Алексиќ, и штипскиот адвокат Дончо Наков, со образложение дека иако биле уредно повикани за денешната главна расправа не се појавиле на судењето. Адвокатите со писмени поднесоци испратени на 19 септември го известиле Судот дека поради судењето за настаните од 27 април нема да можат да присуствуват на рочиштето за „Топлик“.
Обвинетиот Јанакиески замоли да не се одржи судењето бидејќи, како што рече тој, лично сака процесот да заврши што побрзо бидејќи е уверен оти предметот е чист, а не може да ангажира други адвокати среде процесот бидејќи постапката е во подмината фаза.
„Не бегам. Сакам што поскоро да се соочам со сведоците“, рече Јанакиески.
Судијата Огнен Ставрев на присутните на судењето на „Топлик“ им рече дека во Македонија има над 1 000 адвокати и само 9 судии во одделот за судење предмети од областа на организиран криминал и корупција и дека треба присутните да го почитуваат времето и распоредот на сите странки во постапката, но и времето на Судот.
За предметот се закажани се 6 рочишта во октомври и ноември. На денешното рочиште со полиција беа донесени тројцата сведоци Емилија Путилин, Малинка Матевска и Василка Поп Ѓорѓиева, кои не се појавија на минатото рочиште.
Утрово беше одложено и судењето за предметот „Насилство во Центар“ во кое Јанакиески, исто така, е обвинет. Тој претходно испратил известување – претставка до Судот дека нема да присуствува на рочиштето.
Првообвинет во предметот „Топлик“ е ексминистерот Јанакиески. Во случајот обвинети се и Томе Ѓурчилов и Димитар Димовски, како и уште четири други лица, членови на Комисијата за јавни наддавањa при Министерството за транспорт и врски како соизвршители. Според обвинението на СЈО, тие ја злоупотребиле службената положба и овластувањето и го оштетиле буџетот за приближно 1 милион евра при продажба на земјиште за месноста Сончев Град во Сопиште.
СЈО тврди дека, иако надлежната комисија во Министерството укажала дека не може да се продава земјиштетото за Сончев Град, Јанакиески експресно формирал нова комисија, која дозволила да биде објавен огласот за продажба. Бил склучен и купопродажен договор со фирмата „Сан сити“ во 2007 година, кoj четири години подоцна спогодбено е раскинат. Во овој случај Апелациониот суд одлучи доказ да бидат и 11 бомби на специјалното јавно обвинителство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Градоначалникот Ѓорѓиевски одржа уште еден приемен ден со граѓаните

Сабота исполнета со работа, средби и непосредна комуникација со граѓаните – вака изгледа денешниот ден на градоначалникот на Општина Кисела Вода, Орце Ѓорѓиевски, извести општината.
„Потврдувајќи дека грижата за народот не познава работно време, уште од раните утрински часови, го отвори својот кабинет за секој што има потреба од институционална поддршка, совет или едноставно пријателски разговор. Повеќе од 80 жители на Кисела Вода остварија директен контакт – преку лична средба или телефонски разговор – со градоначалникот, пренесувајќи конкретни предлози, укажувајќи на проблеми или споделувајќи идеи кои би можеле да се претворат во идни проекти.
Тимот на општината веднаш ги нотираше сите барања, а според природата и итноста на секое од нив, се преземаат мерки“, велат од општината.
„И сабота е ден посветен за мојот народ. Уште од рано наутро сум во мојот кабинет каде што досега остварив дирекни средби и телефонски разговор со повеќе од 80 мои сограѓани, кои имале потреба или оставиле нивни контакт на службите во општината. Мојот тим ги запишува барањата и веднаш уште денес, во зависност од природата на проблемот пристапуваме кон решавање. Она што исклучително ме радува е што некои граѓани немаат никаков проблем, туку им треба само пријателски разговор во кој ќе споделат некоја идеја од која ќе произлезе проект во иднина. Тоа е само уште еден доказ за нашата посветеност. Пријателски разговор, чисто да се видиме и да дадат поддршка за она што е сработено, а и она што допрва доаѓа, најдоброто.Ќе бидам тука во текот на целиот ден, а ако треба ќе продолжиме и утре. Ќе разговарам или остварам лична средба со секој оној кој има потреба – во мојот кабинет или надвор, на пријателско кафе. На проблемите им погледнуваме во очи и директно ќе ги решаваме, мојот народ мора да е задоволен“, изјави градоначалникот Орце Ѓорѓиевски.
Македонија
,,Генералка викенд” во Карпош

Веќе неколку години наназад, администрацијата на Општина Карпош е дел од националната еко акција „Генералка викенд”, па така традицијата на чист Карпош продолжува и денеска. Aкцијата се спроведува во 55 општини на ниво на целата држава. Целта беше да се собере што е можно повеќе отпад, кој потоа ќе се однесе до најблиската Пакомак, Нула Отпад или локалната комунална станица за отпад и каде што потоа ќе се измери количината на собраниот отпад, велат од општината
Предвидено е, за секои 10 килограми отпад, Министерството за земјоделство да донира по едно дрво во својот годишен план за пошумување нови шуми наречени „Сончева гора“ – национални зелени споменици што ќе растат секоја година.
„Ова е акција во која се вклучени сите институции во државата за почиста и поздрава околина, вклучувајќи ги и вработените во општина Карпош, како и лицата вработени кои се грижат за хигиената. Морам уште еднаш да апелирам, бидејќи повеќепати е спомнато но нема подобрување, за пушачите кои ги фрлаат пикавците и златните кесички од кутиите каде ќе стигнат, наместо да го сочуваат во џеп па да го фрлат во најблискиот контејнер или канта за отпад. Покрај ние што се грижиме треба да се грижат и граѓаните. За жал очигледно е дека вработените од ЈП Комунална хигиена дигаат раце и освен што земаат месечна плата, друго ништо не прават. Граѓаните секој месец плаќаат за зеленилото, и за подигање на сметот, но пак контејнерите ни се полни. И покрај тоа што преземавме ние да го одржуваме блоковското зеленило и улици, тие да ги одржуваат булеварите, и тоа не им одговара. По направената контрола неможевме да затекнеме повеќе од 4-5 одржувачи на хигиена од ЈП Комунална хигиена, а исто толку ги има и на ЈП Паркови и зеленило. Јас како градоначалник кој веќе 15 години ја водам општинава, го поставувам прашањето, има ли смила за постоењето на овие две јавни претпријатија, вака како што тие се поставени?! Можам слободно да кажам дека ние сме заробеници на овие две претпријатија со години. Хигиената некогаш била многу подобра но имало моменти кога и била полоша, но во моментов таа е најлоша, благодарение на лошото функционирање на овие две јавни претпријатија“, рече Стевчо Јакимовски кој додаде дека е голем поборник овие две претпријатија да се поделат подеднакво на сите скопски општини и приходите да доаѓаат во Општините, за да може хигиената во секоја Општина да биде на ниво за какво заслужува секој граѓанин.
Тој исто така посочи дека граѓаните на Карпош плаќаат најдобро за одржување на хигиената и комуналните работи, односно над 85% наплата секој месец, што значи дека на овој начин Карпош би имал најдобра хигиена.
Во текот на вчерашниот ден, најмалите излегоа и ги исчистија дворовите на своите градинки, а повозрасните деца, дворовите на училиштата и беа собрани 147 вреќи со пластика, хартија и лименки. Денеска се вклучи целата администрација, вработените кои се задолжени за хигиената, како и дел од волонтерите на Црвениот крст на РСМ. За прв пат оваа година поддршка дава и подмладокот на Ротари клубот – Ротари арт, како и активисти од Сојузот на борци на општина Карпош.
Македонија
(Видео) „Скандал – СДС одржува партиски состанок во училиште во Струмица, училницата претворена во штаб“, велат од ВМРО-ДПМНЕ

„СДС не запира со злоупотреби. Институциите каде се власт на локално ниво им служат како партиски штабови. Фотографии и видеа од пред неколку дена, кои сега преку свиркач, од незадоволен член на СДС стигнаа до нас и од овие фотографии се гледа како СДС злоупотребува училиште за партиски активности“, вели Жан Дрвошанов, пратеник на ВМРО-ДПМНЕ и претседател на ОК ВМРО-ДПМНЕ Струмица.
„Јасно се гледа како училница е претворена во штаб, и како училиштето е специјално отворено за СДС во доцните ноќни часови.
Оваа злоупотреба не може да се случи без дозвола на директорот на училиштето и градоначалникот Костадин Костадинов.
Ги прашуваме Филипче и Костадинов, дали е ова демократија, и дали за ова се борат? За државниот имот да биде партиски и во партиска функција?
Ова е начин на работа на СДС со години. Овој начин на работа беше поразен низ цела Македонија, а ќе биде поразен дефинитивно и во Струмица“, соопшти Жан Дрвошанов, пратеник на ВМРО-ДПМНЕ и претседател на ОК ВМРО-ДПМНЕ Струмица.