Македонија
Хуманитарна акција на Sport life: „Навиваме заедно за Македонија”
Sport Life ги повикува сите играчи да се вклучат во хуманитарната акција – „Навиваме заедно за Македонија“, за поддршка на изградбата на центарот за рани интервенции и третман кај децата со нарушувања од аутистичниот спектар, во Охрид.
За секој уплатен тикет во периодот на eвропското фудбалско првенство, на кој што ќе биде одиграна и македонската репрезентација, 10 % од целокупната уплата ќе бидат пренаменети за донацијата за центарот за деца со аутизам во Охрид.
Aктуелното Европското фудбалско првенство ЕУРО 2020 го привлече вниманието на целата јавност. Нашата репрезентација ќе настапи како една од 24-те најдобри национални фудбалски екипи во Европа. Возбудата е голема, а надежта уште поголема за што повисок пласман и победа на нашиот тим. Оттука, очекуваме голем број на тикети и типувања кои ќе придонесат истовремено и за постигнување на што поголема донација за подобрување на условите за грижа и третман на децата со посебни потреби.
Акцијата ќе трае од 11-ти до 21-ви јуни, односно ќе ги опфати натпреварите, во кои ќе игра нашата репрезентација во првата групна фаза на првенството. Резултатите од акцијата ќе се следат преку броило поставено на веб страницата на Sport Life, така по одигрувањето на секој натпревар на нашата екипа, ќе се ажурира износот на остварените средства за донацијата.
За подобар живот и унапредување на условите за третман на лицата со аутизам секоја поддршка е вредна, затоа да навиваме заедно, да ги поддржиме настапите на нашите фудбалери на ЕУРО 2020 и вклучувајќи ги на својот тикет да обезбедиме што повеќе средства за потребите на центарот за деца со аутизам во Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.