„СДС без компас, прво Филипче вчера направи целосна утка на прес конференција а потоа за да се извлече СДС пушти соопштение со снимка стара две години која всушност беше критика на патлиџан дипломатијата на СДС. СДС тотално се изгуби на политичката мапа па почнаа да прават последователни грешки“, велат од ВМРО-ДПМНЕ.

„Додека беа власт СДС водеше погрешни политики но и како опозиција продолжија со „како и до сега“ со грешни пресови и грешни соопштенија.

Во СДС целосно конфузни, неинформирани и надвор од политичките текови. Венко Филипче во текот на вчерашниот ден оддржа прес конференција и кажа низа глупости и се излета во јавноста со погрешни изјави и заклучоци.

Филипче или е грешно информиран од советниците или манипулира.

Филипче не знае како и зошто гласала Македонија во Обединетите нации а држи прес конференции за тоа.

Тоа што Филипче не го знае и што е единствена вистина е дека Македонија и САД гласаа едногласно. Односно исто како и САД, Македонија гласаше воздржано за резолуцијата откако претходно беа прифатени амндмани кои не беа на линија со резолуцијата која беше коспонзорирана и произведена од нашиот стратешки партнер САД.

За да го извлечат Филипче од тотално погрешната прес конференција, слабиот пи-ар на Филипче се навлече на уште поголем лапсус и лажни вести.

СДС збунета пушти соопштение со видео снимка, интервју од Викторија Трајков старо 2 години кое е критика на нивната патлиџан дипломатија од пред 2 години, и се обиде да го спинува како денешно.

СДС се толку безнадежни и немоќни што се послужија со интервју старо 2 години за да прават спин, испомешаа и време и место и на крај го повлекоа соопштението.

Во конкретното интервју се зборува за дипломатијата на СДС и посетата на Димитар Ковачевски, а не за дипломатијата на владата на ВМРО-ДПМНЕ, што е огромен пропуст на СДС и нивниот пи-ар.

Време е СДС да се фокусираат и да бидат во тек со политичките настани. На Македонија и е потребна консолидирана опозиција“, соопштуваат од ВМРО-ДПМНЕ.

Денеска најстудено било на Попова Шапка каде што се измерени 0 степени, 1 било во Маврови Анови, Крива Паланка и Лазарополе, 3 во Прилеп, Тетово и Крушево, 4 во Берово и Претор, 5 во Велес, Скопје-Петровец и Охрид, 6 во Штип, Кавадарци, Битола, Виница и Скопје-Зајчев Рид, 7 во Струмица, 8 во Демир Капија, 9 во Гевгелија.

Висината на снежната покривка утрово во 7 часот изнесувала 27 сантиметри на Попова Шапка.

Времето денеска

Претежно облачно, по одделни котлини со појава на магла. Во текот на денот ќе има повремен локален дожд, особено во југозападните делови. Ќе дува слаб до умерен ветер од југоисточен правец, кој наместа долж Повардарието повремено ќе засилува. Максималната температура ќе биде во интервал од 7 до 12 степени.

Во Скопје променливо облачно, претпладне во делови од котлината со појава на магла, а преку денот со услови за краткотраен дожд. Ќе дува слаб до умерен ветер од југоисточен правец кој краткотрајно ќе засилува.

Максималната температура ќе достигне до 12 степени.

„Извештајот на Меѓународниот монетарен фонд (ММФ) за 2025 година јасно го истакнува она што граѓаните го чувствуваат секојдневно: инфлацијата повторно расте, а животниот стандард значително се влошува. Во јануари оваа година, инфлацијата достигна 4,9%, што претставува алармантен пораст од најниското ниво од 2,2% забележано во август минатата година“, соопшти ДУИ.

„Ова значи повисоки цени за основните прехранбени производи и сите животни потреби, дополнително оптоварувајќи ги семејствата кои веќе се соочуваат со големи економски тешкотии.

Без административни мерки и контроли на цените, храната станува недостапна, додека неспособната влада продолжува да ја игнорира кризата што ги погодува најсиромашните слоеви на општеството.

Оваа реалност станува уште потешка додека се приближуваме кон светиот месец Рамазан, кога граѓаните немаат основни услови за да ги нахранат своите семејства.

Извештајот на ММФ исто така потврдува дека економијата на нашата земја продолжува да биде несигурна и под влијание на погрешни политики.

Недостатокот на раст на продуктивноста само ја продлабочи економската криза и предизвика губење на конкурентноста.

Дури и јавните инвестиции се на ниско ниво, оставајќи клучни проекти, како Коридорот 8, во застој, додека владата дава приоритет на проекти што служат на тесни интереси наместо на развојот.

ДУИ од самиот почеток предупредуваше дека оваа влада е неспособна и неодговорна.

Денес, граѓаните се соочуваат со последиците од нејзините неуспеси: раст на цените, економска несигурност и целосен недостаток на поддршка за оние на кои им е најпотребна.

Во ова тешко време за нашите граѓани, бараме од владата итно да преземе мерки за да им помогне на семејствата кои едвај ги покриваат основните трошоци“, се наведува во соопштението на ДУИ.