Македонија
Царовска: Училиштата треба да живеат во духот на граѓанското образование
Министерката за образование и наука, Мила Царовска, и градоначалникот на општина Гази Баба, Борче Георгиевски, денес го посетија ООУ „Кирил и Методиј“ во Стајковци. Во училиштетето беше отворена сензорна соба и се одржа отворен ден за граѓанско образование по повод Меѓународниот ден на човекови права, 10 Декември.
„Денеска како добар пример го избрав ова училиште во Стајковци, кое покажува дека училиштата може да живеат во духот на граѓанското образование. Тие имаат настава на два наставни јазика, на македонски и на албански, имаат инклузивно образование и децата со атипичен развој живеат и учат заедно со децата со типичен развој. Имаат и сензорна соба, што ја посетуваат и деца со типичен и деца со атипичен развој, поради тоа што на тој начин создаваат инклузија, соживот и заеднички развој на сите ученици што ги имаат во училиштето, независно од каде доаѓаат и со какви можности и потреби се тие. На овој ден е важно да се види дека со добар менаџмент од страна на директорката, поддршка од градоначалникот, но соработка со родителите, учениците и наставниците, може да се постигне да имаме квалитетни училишта, училишта што се грижат човековите права да се научат од најмала возраст“, рече Царовска.
Министерката истакна дека во континуитет се создаваат услови за инклузивно образование и за таа цел се обезбедени буџетски средства од наредната учебна година за образовните асистенти, а инвестициите што ќе се случуваат во училиштата ќе значат и директна инвестиција во пристапност на објектите на училиштата за лицата со попреченост и за децата со попреченост.
„Концепцијата што треба да почне 2021/2022 за основно образование директно ќе се заснова на принципите на инкузивност, на родова рамноправност и почитување на човековите права заради тоа што на овој начин создаваме идни генерации, што не само што ќе ги почитуваат и ќе знаат за човековите права туку и ќе живеат со нив и ќе се борат секојдневно тие да се остваруваат“, рече Царовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Метеоролозите најавуваат поинтенезивни врнежи ноќеска и утре, од среда стабилизирање
Времето денес променливо облачно со повремени локални врнежи од дожд, најпрвин во западните делови каде ќе бидат пообилни и поројни со услови за појава на грмежи. Ќе дува умерен југоисточен, а во западните делови повремено засилен ветер од југозападен правец. Минималната температура ќе биде во интервал од 6 до 12, а максималната ќе достигне од 16 до 22 степени.
Во Скопје, променливо облачно со повремени врнежи од дожд, особено во текот на ноќта. Ќе дува умерен југоисточен ветер. Минималната температура ќе се спушти до 11, а максималната ќе достигне до 19 степени, јавува УХМР.
Денес најпрвин во западните, а во текот на ноќта и во понеделник претпадне насекаде, ќе има врнежи од дожд кои повремено ќе бидат пообилни и поројни со услови за појава на грмежи. Поинтензивни процеси во форма на невреме со пообилен пороен дожд (локално над 30 l/m²) и засилен ветер се очекуваат во текот на ноќта, особено во западните делови од земјата. Во вторник ќе има локални врнежи од дожд со послаб интензитет, а потоа во следните денови времето ќе биде стабилно со благ пораст на дневните температури.
Македонија
Герасимовски: Воведуваме „Центарска картичка“ со попусти за културни, спортски настани, локали и продавници
Кандидатот за градоначалник на Општина Центар, Горан Герасимовски, денеска најави дека се воведува „Центарска картичка“ со попусти за културни и спортски настани, локали и продавници.
„Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички“, како и попусти за влез на базен. На нашите центарци, на децата и возрасните им овозможуваме подобри услови и поволности“, рече Герасимовски.
Македонија
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување.
Јонуз беше активен во политичкиот живот во Македонија не само како аналитичар и колумнист, туку и како поранешен советник и портпарол на поранешниот претседател на Собранието, Лупчо Јордановски и на поранешниот премиер Бучковски.
Во 2021 година Јонуз беше носител на листа на советници за Град Скопје предложен од „Твоја Партија“.
Јавноста го познаваше како чест гостин во политичките дебатни емисии на телевизиите.
Погребот на Агим Јонуз ќе се одржи утре, 26 октомври 2025 година, на гробиштата во Бутел.

