Македонија
ЦУК: Вчера изгаснати 12 пожари, активни два во Сарај и Инџиково

Во текот на вчерашниот ден на територијата на Македонија имало вкупно 14 пожари на отворен простор, од кои два се активни, еден во општина Сарај, кај месност ,,Карпалак” каде гори ниска вегетација и нискостеблеста шума и уште еден во општина Гази Баба, во село Инџиково, каде гори ниска вегетација, информираат од Центарот за управување со кризи.
Изгаснати пожари се 12 пожари и тоа:
– Општина Валандово 2: меѓу с.Удово и с Марвинци (лозје и ниска вегетација), с.Пирава (ниска вегетација и депонија)
– Општина Илинден: с.Дељадровце (стрниште);
– Општина Сарај: с.Бојане (ниска вегетација)
– Општина Бутел: ,,Љуботенски Пат” (ниска вегетација и ѓубре);
– Општина Гази Баба: с.Инџиково (ниска вегетација)
– Општина Струга: Граничен премин ,,Ќафасан” (ниска вегетација);
– Општина Дебар: с.Селокуќи (ниска вегетација);
– Општина Куманово 2: с.Ваксинце (ниска вегетација), спроти бензинска пумпа на ,,Макпетрол” на автопатот Скопје – Куманово во с.Романовце (ниска вегетација);
– Општина Гази Баба, с.Смилковци (ниска вегетација и отпадоци) и во
– Општина Демир Хисар (градска депонија – отпадоци), информираат од ЦУК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.