Македонија
Честитка од градоначалникот Тимчо Муцунски по повод новогодишните празници
Градоначалникот Тимчо Муцунски во новогодишната честитка до граѓаните објавена на неговиот инстаграм и фејсбук профил посака Среќна нова година и порача дека поддршката и разбирањето се темел на соработката со граѓаните, a таа пак е основа со која заеднички ќе се направи многу за поубав Аеродром.
„На почетокот на новата година, во утрото во кое сите ја споделуваме празничната радост и енергија, Ви посакувам посреќна, повесела и поуспешна година“, истакна Муцунски во честитката.
Тој потенцираше дека изминатата 2022, била првата година од неговиот мандат во која се реализирани најголемиот дел од планираните инвестиции и проекти.
“Во новата 2023 година влегуваме подготвени, со многу нова искуства и идеи кои ги црпиме од комуникацијата со вас и од вашите предлози. Токму, Вашата поддршка е силата која ќе не води во остварување на плановите за оваа година. Дозволете на почеток на оваа година да посакам здравје, љубов, меѓусебно разбирање и почит. Поддршката и разбирање да биде темел на нашата соработка, а тaa пак да биде основата со која заеднички ќе направиме многу за нашата општина, за нашиот Аеродром. “, додаде тој во честитката.
„Празничната атмосфера нека донесе енергија со која ќе ги надминеме сите предизвици со кои ќе соочиме оваа година. Бидете здрави и живи, Среќна нова година“, заклучи Муцунски во својата фејсбук и инстаграм објава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Променливо облачно време со повремени врнежи од дожд
Променливо облачно со повремени врнежи од дожд, особено во источните делови. Наместа ќе има услови за појава на ретки грмежи. Ќе дува умерен до засилен ветер од југоисточен правец (над 60 km/h). Минималната температура ќе биде во интервал од 7 до 13, а максималната ќе достигне од 15 до 21 степен.
Во Скопје променливо облачно со повремени врнежи од дожд. Ќе дува умерен до засилен ветер од југоисточен правец. Минималната температура ќе се спушти до 12, а максималната ќе достигне до 19 степени.
Во петок ќе настапи преодно стабилизирање на времето со пораст на температурата. Од сабота кон крајот на денот повторно се очекува нестабилно време со локален пороен дожд и грмежи. Наместа процесите ќе бидат поинтензивни во форма на невреме.
Скопје
Делови од општина Карпош денеска без струја
ЕВН Македонија АД известува дека денеска без електрична енергија ќе останат делови од општина Карпош.
· во пеиодот од 09.00 до 15.00 часот дел од корисниците во село Горно Нерези во општина Карпош.
· во периодот од 09.00 до 14.00 часот корисниците од дел од улицата Ринхини и улицата Езерци – населба Влае во општина Карпош.
Македонија
Силјановска-Давкова: Грозоморен напад врз словачкиот премиер, се молиме за негово здравје
Македонската претседателка Гордана Силјановска Давкова реагираше на веста за атентатот врз словачкиот премиер Роберт Фицо.
„Бев длабоко шокирана кога ја слушнав веста за грозоморниот напад врз словачкиот премиер Роберт Фицо. Се молиме за негово здравје и брзо закрепнување! Нашите мисли се со неговото семејство и со народот на Словачка“, напиша Силјановска Давкова.
I was deeply shocked to hear the news of the heinous attack against the Slovak Prime Minister Robert Fico. We pray for his health and swift recovery! Our thoughts are with his family and the people of Slovakia.
— Гордана Силјановска Давкова (Gordana Siljanovska) (@gogamkd) May 15, 2024
Словачкиот премиер Роберт Фицо е затрелан по владин состанок, околу 150 километри североисточно од Братислава.
Обидот за атентат се случил кога Фицо отишол меѓу насобраните луѓе.
Според информациите, премиерот на Словачка бил застрелан со два до три куршуми во градите и стомакот. Со хеликоптер итно бил пренесен во болница во Братислава.
Напаѓачот е уапсен на самото место.
Словачките медиуми јавуваат дека состојбата му е многу тешка и ќе биде опериран.