Македонија
Шврговски: Незаконски е Мијалков да биде притворен веднаш само затоа што против него се водат повеќе постапки
Бранителите на ексдиректорот на УБК, Сашо Мијалков, на денешната јавна седница на Апелациониот суд ја образложуваа жалбата за одредениот притвор за Мијалков по донесената пресуда од 3 години казна затвор за случајот „Титаник 2“, кој се однесува на изборни нерегуларности.
Адвокатот Љупчо Шврговски рече дека незаконски и неосновано е изречена мерка притвор за Мијалков до извршување на затворската казна бидејќи досега не прекшил ниту една мерка што му била изречена од страна на судот.
„Со донесување на мерката притвор за Сашо Мијалков сторени се суштествени повреди. Опасноста од бегство судот ја има образложено со една реченица, тоа воопшто и не може да се нарече образложение. Не е дозволиво со такво образложение да се одреди притвор.
Тоа што судот го стори е незаконски и неосновано. Судот за човекови права во Стразбур вели дека мора да се дадат причини дека која било претходно изречена мерка е повредена, па потоа да биде дадена мерка притвор“.
Шврговски истакна дека во македонската судска пракса за вакво дело, каде што казната затвор изнесува од 1 до 5 години, не се случило да биде определена мерка притвор со образложение дека против обвинетиот се водат други постапки. Тој додаде дека и пресудата за овој предмет е бесмислена.
Адвокатот Петар Василев во целост се приклучи кон жалбата на другите бранители на Мијалков за изречената мерка притвор по што додаде дека мерката притвор е изречена од страна на неовластен совет, а пресудата е донесена врз основа на обвинение од новластен тужител и дека таа не е основана.
„Неовластениот тужител, кој даде предлог пред неовластен судечки совет, не образложи зошто притворот е неопходен. Одбраната не е виновна што неовластениот тужител поднел обвинение 25 дена подоцна од рокот што му е предвиден во законот. СЈО воспоставило надлежност на 4.12.2015 година, а обвинителниот предлог го поднело на 29.6.2017. Дали пречекорувањето на роковите имаат растеглива димензија? Како што јас знам, завршувањето на рокот значи смрт за одреден предмет, како што е и сега“, рече Василев.
Обвинителката од специјалното јавно обвинителство, Фатиме Фетаи, уште пред апелацискиот совет ги образложи барањата за притвор на Сашо Мијалков и Бедредин Ибраими по што истакна дека при одредување на притворот не е направена суштествена повреда, како и дека не се точни наводите на бранителите дека судечкиот совет и Обвинителството се неовластени за случајот.
„Законскиот рок за поведување обвинение за случајот ‘Титаник 2’ е испочитуван. Не се точни наводите на одбраната дека обвинението е поведено 18 месеци по добивање на незаконски прислушуваните материјали и преземање на случајот, рече Фетаи.
Обвинителката како образложение за можно бегство на Сашо Мијалков ги наведе неговите контакти што ги има создадено со оглед на тоа дека подолго време бил во тајните служби на државата.
Покрај жалбите за притворот на Сашо Мијалков и Бедредин Ибраими, бранителите донесоа жалба и против одредените мерки на претпазливост против другите осудени во случајот, Влатко Сајковски, Сашо Срцев и Анета Стефановска.
Лидерот на ДПА, Мендух Тачи, кој за случајот беше осуден на 3 години и 2 месеци затворска казна, е единствениот што не поднесе жалба за изречената мерка на претпазливост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
После Албанија и Косово, следна дестинација на мигранти е Македонија, велат од СДСМ
Не се само британските медиуми, многу светски медиуми имаат објавено анализи и информации од планот за „центри за враќање на мигранти“ од Британија и други земји на Балканот, истакнуваат од СДСМ.
„Косово стана првата земја која прифати одбиените мигранти од Британија. Албанија исто така се согласи за изградба на прифатни центри за мигранти но од Италија.
Пред 5 дена, „Дојче Веле“ објави дека 40 мигранти веќе беа донесени со воен брод во центрите во Албанија. Ете колку бргу се развиваат работите. „Мигрантите, треба да останат во камп во Албанија сè додека не бидат депортирани.“ пишува во текстот на Дојде Веле.
Британските медуими пак пренесоа дека Владата на Мицкоски и ДПМНЕ разговара за мигранти од Британија во Македонија. Британците известуваат дека е договорено по 20.000 фунти по мигрант, нивно вклучување на пазарот на труд, особено во градежништвото, како и долгорочно населување во нашата држава. Ова е вистината! Дали светските медиумите лажат? Дали СДСМ лаже?
Кој лаже? Власта на Мицкоски“, додаваат од опозициската партија.
Владата, како што оценуваат од партијата на Филипче, нема пари, веќе недостасува 1 милијарда евра, очигледно, велат, сакаат да земат кредит од 6 милијарди евра а за возврат да донесат мигранти.
„Граѓаните се против овие антинационални и андржавни политики на ДПМНЕ и велат Не за мигранти , Не за загрозување на безбедноста на државата“.
Македонија
Без вода денеска дел од Сарај и високата зона во населба Ѓорче Петров
Од ЈП Водовод и канализација – Скопје, известуваат дека денеска:
· поради дефект на затварач со пречник од Ф-350 мм на ул. 20 во нас. Сарај, од 07:30 часот до санирање на дефектот, прекинато водоснабдување ќе имаат корисниците од населените места: Лака, Крушопек, Грчец, Шишево, Глумово, Горна и Долна Матка, Арнакија, Љубин и село Сарај, (Општина Сарај) и високата зона, односно повисоките катови од зградите во населба Ѓорче Петров.
Македонија
Дел од Бутел денеска без струја
Од ЕВН Македонија АД известуваат дека денеска без електрична енергија ќе останат:
· во периодот од 08:30 до 09:30 часот, објектот на ДОГАН ИНВЕСТ ДООЕЛ-СКОПЈЕ, односно објектот на Форд на самата раскрсница булевар Македонско-Косовска Бригада со булевар Босна и Херцеговина. (Општина Бутел)

