Македонија
(Видео) Шекеринска: Македонија со оваа одлука станува фактор на стабилност во регионот
Пратениците презедоа одговорност и испишаа нова шанса во историјата на Македонија, сакам да им честитам на сите за заедничкиот напредок и за тоа што најпосле земјата се извлекува од калта, изјави денеска министерката за одбрана Радмила Шекеринска.
Македонија покажа дека е подготвена да стане членка на НАТО и дека е подготвена да ги почне преговорите со ЕУ, додаде Шекеринска на прес-конференцијата во Владата.
Со оваа одлука, вели таа, земјата станува фактор на стабилност во регионот, а факторот стабилност ќе донесе и нови и поголеми странски инвестиции кои ќе обезбедат и нови работни места, голем извоз, подобар стандард, посочи министерката за одбрана.
„Историскиот глас на пратениците, во исто време беше глас против изолација но и против несигурност. За поздравување е таа одговорност да се стават сите работи настрана и да се даде глас за иднината“, изјави Шекеринска.
Сега е моментот да зборуваме за суштинско помирување и обединување, кое ќе тргне од Собранието и ќе влезе во сите сегменти на општеството. И ќе остави позитивен исход, секаде каде што имаме политички раскарани граѓани. Сакаме да и дадеме шанса на таа енергија, да не направи поблиски и пофокусирани, посочи Шекеринска.
Според неа, со исполнување на домашните обврски паралелно се создава правна држава во која владеат редот и законот и во која институциите се во служба на граѓаните и се отворени и отчетни.
Шеќеринска рече дека овој историски момент повикува на обединување на сите политички и прогресивни сили во земјата.
„Тоа ни е потребно, како никогаш досега. Верувам дека сега е возможна дури и поголема поддршка во Собранието за спроведување на Договорот од Преспа и со тоа за зачленување на Македонија во НАТО и Европската унија. Секој пратеник кој верува и знае дека Македонија треба да стане дел од западниот свет, треба да ги поддржи уставните измени во следните фази“, изјави таа.
К.О.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Непречен сообраќај по претежно влажни коловози
Сообраќајот на државните патишта се одвива непречено, по претежно влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Падна дрво во населбата „Автокоманда“ во Скопје
Преку Единствен повикувачки број за итни случаи 112 во ЦУК е добиена пријава за паднато дрво на булеварот „Александар Македонски“ близу паркингот на влезот на фабриката „Железара и Железарија Јоле“ во населбата „Автокоманда“.
Од ЦУК, веднаш по добиената информација од страна на Сектор за операции и координација, покрај МВР, беа известени ЈП „Паркови и зеленило“ на Град Скопје, коишто испратија екипи и истите интервенираа во расчистување на паданатото дрво.
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд. Во јужните делови наместа врнежите ќе бидат пообилни, локално проследени со грмежи и засилен ветер. Минималната температура ќе биде во интервал од 6 до 13, а максималната ќе достигне од 14 до 20 степени.
Во Скопје променливо облачно со повремени врнежи од дожд и со слаб до умерен северен ветер. Минималната температура ќе се спушти до 12, а максималната ќе достигне до 20 степени.
Во сабота ќе има преодно стабилизирање на времето, а потоа во следните денови во попладневните часови ќе има локална појава на краткотраен пороен дожд и грмежи. Дневната температура ќе биде во пораст.