Контакт

Бегството на Груевски

Шекеринска: На министерот за одбрана не му е задача да знае каде побегнал Груевски

Објавено пред

Заменик-претседателката во Владата и министерка за одбрана, Радмила Шекеринска, на прес-конференцијата за седницата на Комитетот за НАТО, на барање на новинарите, одговори на повеќе прашања поврзани со потрагата по поранешниот премиер Никола Груевски, кој требаше да се јави на отслужување на двегодишната затворска казна за случајот „Тенк“.

dobivaj vesti na viber

Дали и Вие исто како премиерот верувате дека Никола Груевски не избегал, бидејќи така ветил? Дали некој во Владата ќе сноси одговорност ако се покаже дека Никола Груевски избегал и дека го нема? Што бараше возило на воена полиција пред влезот на седиштето на ВМРО-ДПМНЕ синоќа?

Шекеринска: Еве ќе почнам со првите две прашања заедно. Во изминатиов период ние многу инвестиравме да покажеме дека МВР не е веќе ВМРО. Но, моравме да покажеме дека МВР не е ни СДСМ. И тоа го покажавме. Во оваа држава точно се знае кога Министерството за внатрешни работи може да се активира. Во тој момент кога ќе добие налог од надлежен суд. Сè друго би било истото МВР-ВМРО само во друго пакување.

Факт е дека целата јавност очекува, како што претходно очекуваше, судски пресуди, сега очекува одговорност. И навистина ќе се постави прашањето како лесно одредени судски инстанции одлучуваат за притвори за многу поситни дела, а како по прашањето на бомбите и по прашањето на одговорност за сите овие долги злоупотреби, тешко се одлучуваа за притвор.

Не можеме ние како влада да се мешаме во судската власт. Не можеме да го земеме ниту нивниот дел од одговорноста, ниту нивниот дел од задачите. Со право ќе бевме критикувани ако МВР  реагираше пред да има официјален налог. А сега судството треба да истражи зошто за овие случаи, велам, толку тешко применуваат притвор, а веќе им избегаа одредени луѓе и зошто требаше, ако не се лажам четири дена, за налогот од суд  да стигне во МВР? Но, нема да ги решаваме проблемите ако Владата стане и обвинителство и судство и извршна власт. Тоа ќе биде нов проблем само со ново име. Или со нов печат.

Во поглед на воената полиција и присуството на возилото во близина на седиштето на ВМРО-ДПМНЕ се работи за коинциденција. Вчера во посета ни беше еден генерал на земја членка на НАТО којшто бил сместен во „Бест-Вестерн“ и при враќање на делегацијата назад во еден момент поминале пред седиштето на партијата, но тоа се случило пред да почне која било од операциите. Поради тоа што пристапот кон хотелот во којшто биле единствено е од таа страна, не можете да донесете делегација од страна на улица Македонија, туку морате од задната страна.

Јас нема да се потпрам исклучиво на овие усни информации, ќе побарам и писмена информација. Меѓутоа, тоа што го добив до овој момент како информација е дека се работи практично за грешка при влезот, заради тоа што знаете дека е отежнат влезот во овој хотел.

На ниту еден начин воената полиција, ниту треба, ниту смеела да биде вклучена, меѓутоа информацијата за вчерашните настани на никој не му била позната, инаку најверојатно и ние немаше да сместиме делегација во хотел што се наоѓа блиску до седиштето на ВМРО-ДПМНЕ, но тоа само покажува дека навистина се трудиме владата да е влада, а не да е, како што реков, ни судство ни обвинителство, ниту, пак, да се меша во работата на полицијата.

Министерке, Вие и министерот Спасовски вината ја префрлате во судството, но и вие како Влада бевте одговорни за да ги спроведете реформите. Како во НАТО и ЕУ со ваков безбедносен систем? Не можете човек што е обвинет во 10 случаи, човек што има пресуда, да го најдете, а зборувате за реформи во безбедносниот систем?

Шекеринска: Ако безбедносниот систем ни функционираше како што треба, денеска немаше да зборуваме за реформи, ќе зборувавме за безбедносен систем што ги задоволува сите стандарди. Работиме на тоа, меѓутоа нема да го подобриме на тој начин што ние ќе си ја преземеме во свои раце палката да бидеме судство или обвинителство. На крај ќе завршиме така како што заврши овој којшто бега сега од правдата.

Инаку, мислам дека политички ова бегање од правдата покажува дека ни на старите, ни на новите зборови на Груевски никој не треба да верува. Меѓутоа, факт е дека ова прашање треба да го решиме во рамките на нашиот систем. Сè друго е политика. Политички зборувано, ова само ја потврдува неговата одлука да бега од македонската правда затоа што знае дека згрешил, затоа што го прекршил законот, затоа што знае дека има и други предмети во коишто одговорноста е негова, меѓутоа сега се согласувам, одговорност е на оваа држава и на сите нејзини институции да не дозволиме ова да стане нормално.

Вие имате пристап до информации, дали знаете или не каде е Груевски?

Шекеринска: Ова што го имплицирате би значело прекршување на сите правила, уставни ограничувања и законски ограничувања. Задача на министер за одбрана не е да знае каде бегал премиерот во којшто, за жал, многу луѓе од опозицијата се колнат.

Лидерот на ВМРО-ДПМНЕ вчера ја обвини Владата дека не е точно дека не знае каде е Груевски. Дали навистина не знаете каде е Груевски?

Шекеринска: Доколку Мицковски, којшто се претвори во последните месеци во единствен бранител на Груевски, знае каде е тој, еве јас лично и од позиција на функцијата што ја имам го повикувам тоа да го соопшти. Зошто сметате дека некој во Владата би сакал да ја скрие таа информација?

Овие три години страдавме не само ние, многу граѓани на Македонија, одевме по улици, жртвуваме многу за да се покаже дека системот бил комплетно растурен. Тоа го покажавме. Многу луѓе се сомневаа дали вакви обвиненија ќе се поднесат против првите луѓе, особено против Груевски. Потоа многу луѓе се сомневаа дали судството ќе донесе одлука против поранешен премиер, со многу контакти, со многу врски, со многу меѓусебно зависни односи со судството. Таква одлука се донесе.

И верувам дека сомнежот повторно е висок, но оваа држава покажа дека знае еден по еден да ги решава проблемите.Јас сметам дека навистина треба да дадеме шанса на сите институции да си го завршат својот дел од обврските. А Мицковски ако барем малку сака да ѝ помогне на Македонија, нека излезе и нека каже зошто сиве овие месеци и фактички и практично и во позадина го штитеше Груевски. Зошто правеше сè само да ја добие неговата слобода. Ако сега има информација каде е, зошто таа ја премолчува пред јавноста, пред вас, пред сите граѓани на Република Македонија.

Апсолутно отфрлам каква било шанса некој да знае, а тоа да не го направи. Ние барем сме последните коишто би имале интерес тоа да го направиме. Сè направивме за да носат одговорност тие коишто ја доведоа државата во ваква ситуација. Немаме намера сега да ги спасуваме, не им должиме ништо, но ѝ должиме на Македонија да се види дека секој е еднаков пред правдата. Нашиот повик до судството не е повик на притисок, туку е повик сите да си понесеме свој дел од одговорноста, тоа значи дека кога се најавуваат бегања, или кога ни се случуваат бегства да се води сметка и да не се калкулира ниту со термините на испраќање на налозите, меѓутоа ниту со притворите.

За многу поситни дела многу лесно некои судии носеа одлуки за притвор, а сега за многу сериозни дела таквите одлуки отсуствуваа. Повик е никогаш да не ни се случи вакво нешто затоа што одговорноста не е колективна, одговорноста е на тие судии што така постапиле.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Бегството на Груевски

Груевски: Барањето на криминалната и рекетарска Влада за моја екстрадиција е одбиено

Објавено пред

Поранешниот премиер Никола Груевски, кој доби азил во Унгарија, се огласи на социјалните мрежи по судското рочиште пред тамошниот суд, кој одби негова екстрадиција во земјата.

dobivaj vesti na viber

„Спроведена е стандардна процедура на институциите во Унгарија откако криминалната и рекетарска Влада во Македонија поднесе барање за екстрадиција“, напиша Груевски.

Тој го повтори ставот на судот, кој одби да го екстрадира во Македонија, каде што треба да ја издржи двегодишната затворска казна за случајот „Тенк“ на СЈО.

Министерството за правда побара и негова екстрадиција бидејќи е еден од осомничените организатори за упадот во Собранието на 27 април.

„Денеска, спроведена е стандардна процедура на институциите во Унгарија откако криминалната и рекетарска влада во Македонија поднесе барање за екстрадиција. Судот го разгледа барањето за екстрадиција и одлучи да не го прифати“, гласи објавата на експремиерот.

Прикажи повеќе...

Бегството на Груевски

Унгарија нема да го испорача Груевски, условите за екстрадиција не се валидни

Објавено пред

Експремиерот и азилант Никола Груевски нема да биде екстрадиран од Унгарија, одлучи тамошниот суд на денешното рочиште. Груевски ќе биде пуштен на слобода. Рочиштето е во тек и се образложува одлуката која е донесена.

dobivaj vesti na viber

„Условите за екстрадиција не се валидни“, рече судијката.

Утрово, судот издаде наредба за приведување на Груевски, кој беше спроведен до судницата со две лица, кои, најверојатно, се дел од безбедносните служби на Унгарија. Груевски бил приведен во т.н. 11. област во Будимпешта.

Рочиштето е затворено за медиумите, но одлуката е јавно соопштена.

Минситерството за правда бара екстрадиција за Груевски за тој да ја издржи двегодишната затворска казна за предметот „Тенк“ на СЈО, но и за организација на крвавите инциденти во Собранието на 27 април.

Прикажи повеќе...

Бегството на Груевски

Груевски приведен во Будимпешта, судот одлучува за екстрадицијата

Објавено пред

Судот во Унгарија одлучува за екстрадицијата на поранешниот македонски премиер Никола Груевски, кој избега во Будимпешта во ноември минатата година.

dobivaj vesti na viber

Рочиштето е затворено за јавноста, а деталите ќе се знаат по завршувањето.

Македонија бараше екстрадиција за издржување на двегодишната затворска казна за набавката на „мерцедесот“ во случајот на СЈО, „Тенк“, и за настаните што се случија во Собранието на 27 април 2017 година за што е осомничен дека бил организатор.

Груевски е приведен изутринава во Будимпешта по барање на судот.

Експремиерот доби политички азил во Унгарија кога беше осуден на двегодишна затворска казна за набавката на „мерцедесот“, а е обвинет и во други случаи на СЈО.

Прикажи повеќе...

Најново

Македонија9 минути

Не сакаме да се повтори сценариото со Арсовска, ние сме тука за скопјани, не на поединци, рече Мециновиќ

Кандидатот за градоначалник на Скопје од редовите на Левица, Амар Мециновиќ, на денешната прес-конференција изјави дека партијата бележи значителен раст...

Македонија1 час

Скопските лихвари им ги одземале имотите на оние кои не можеле да ја вратат позајмицата, каматата била и до 15 отсто месечно

Полицијата спроведе координирана акција на повеќе локации низ Скопје и приведе 11 лица осомничени за лихварство и перење пари, а...

Македонија3 часа

Николоски: Потпишавме меѓудржавен Договор за авиосообраќај, создаваме услови за нови линии и бројни туристи од Велика Британија

Заменик претседателот на Владата и министер за транспорт Александар Николоски и Киер Метер, министер за воздухопловство, поморство и декарбонизација, во...

Македонија3 часа

ВМРО-ДПМНЕ: Го зголемивмe бројот на советници за 82 во однос на претходните избори

Владејачката ВМРО-ДПМНЕ по првиот круг од локалните избори соопшти дека со освоените 550 советнички места низ целата држава и градот...

Свет4 часа

ЕУ ја потврди забраната за увоз на руски гас и нафта: „Нема да ѝ дозволиме на Русија да нè уценува“

Европската унија официјално ја потврди одлуката за постепено укинување на увозот на руски гас и нафта до 1 јануари 2028...

Свет4 часа

Санкции за „Роснефт“ и „Лукоил“ – САД и Британија обединети против руската нафта

Американското Министерство за финансии воведе нов пакет санкции против две најголеми руски нафтени компании – „Роснефт“ и „Лукоил“, со цел...

Македонија5 часа

Македонија го одбележува 23 Октомври, Денот на македонската револуционерна борба

Во Македонија денеска се одбележува 23 Октомври – Денот на македонската револуционерна борба, државен празник и неработен ден за сите...

Македонија5 часа

Меџити: Ова е чиста победа, изградена со доверба и љубов кон Чаир

Синоќа во општина Чаир Изет Меџити и неговиот тим ја прославија победата на локалните избори. Меџити им се заблагодари на...

Македонија16 часа

Ќе се бориме за да ги браниме националните интереси, иднината на државата е во рамките на ЕУ, порача Мицкоски од Лондон

Економијата, безбедноста и процесот на интегрирање на Македонија во рамките на ЕУ, како што соопшти премиерот Христијан Мицкоски биле теми...

Македонија18 часа

12 лица под истрага по полициските претреси во Скопје: осомничени се за лихварство и перење пари

Под раководство на јавен обвинител од ОЈО ГОКК, единиците на МВР денеска, по обезбедени Наредби од Основниот кривичен суд –...

Македонија20 часа

(Видео) Мециновиќ: Владиниот кандидат се сретна со „Вреди“ и ја доби нивната поддршка, јас се среќавам со Скопје

Кандидатот на Левица за градоначалник на Скопје, Амар Мециновиќ кој влезе во вториот круг на локалните избори се огласи откако...

Македонија21 час

Кандидатите за градоначалници на Скопје се договорија: ТВ дебата во вторник

Кандидатот на партијата Левица за градоначалник на Скопје, Амар Мециновиќ денеска преку социјалните мрежи извести дека прифаќа дебата со противкандидатот...

Македонија22 часа

„Додека Данела сака да биде инфлуенсерка и троши време на театар, претпријатијата и штрајкуваат, а вработените немаат плати“, велат од ВМРО-ДПМНЕ

„Со длабоко разбирање за состојбата во која се наоѓа и за предизвиците од лична природа на кои е изложена, нема...

Топ23 часа

Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен...

Македонија23 часа

Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски

Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...

Македонија24 часа

Истрага против 32 физички и правни лица за злоупотреби при јавни набавки во прилепската болница

По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...

Македонија1 ден

Mицкоски се сретна со кралот Чарлс: „Беше искрено и содржајно“

Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...

Македонија1 ден

Полицијата претресува на повеќе локации во Скопје поради лихварство и перење пари

Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...

Македонија1 ден

И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21

СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...

Македонија1 ден

ВМРО-ДПМНЕ: Ако утре би биле парламентарните избори, ние би освоиле над 60 пратеници, а СДС во некои изборни единици би бил трета партија

ВМРО-ДПМНЕ со 550 советници низ Македонија и градот Скопје, како и со над 300.000 гласови, е апсолутен победник на локалните...