Македонија
(Видео) Шилегов: „Вардариште“ е минато, ќе се формира претпријатие за грижа на животните

„Вардариште“ е минато. Донесов одлука Град Скопје да почне со постапка за формирање претпријатие за грижа на животни, соопшти градоначалинкот Петре Шилегов.
Ова значи дека за бездомните животни нема да биде надлежно ЈП „Комунална хигиена“, туку новото претпријатие ќе има целосна надлежност за ветеринарна грижа, стерилизација и удомување на животните.
„Постапката тече паралелно со чипирање на домашните миленици, со цел кога ќе заврши овој процес, да функционира стационарот во Скопје. Новиот систем ќе овозможи решавање на проблемот. Тој бара инволвирање повеќе граѓански активисти и здруженија со цел бројот на бездомни животни да се сведе на минимум“, рече Шилегов. Притоа, додаде тој, имам предвид дека Скопје не е изолиран остров и дека едностран пристап од градската администрација нема да има целосен ефект, туку тоа може да се оствари заеднички со други институции.
Според него, не постои инстант-решение за кучињата бездомници, но тоа не е изговор за институциите да не најдат одржливо решение.
„Паралелно со подготовката на админситративните процедури, почнуваме и процес на консулатции со граѓански здруженија со цел тие да бидат дел од управувањето на новиот станционар. Тој ќе биде основан со буџет од Град Скопје“, рече Шилегов.
За името на новото јавно претпријатие сè уште нема одлука, но лична желба на Шилегов е да се вика Лајка, оти тоа е куче што го има сменето човештвото и е од улиците на Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Затаиле данок од 5,5 милиони денари, кривична пријава за две лица од Струга

Управата за финансиска полиција поднесе кривична пријава против две физички и едно правно лице од Лабуништа, Струга, поради даночно затајување. Лицата со лажни фактури избегнале плаќање на данок од над пет милиони денари.
Првопријавениот Ш. У. во својство на сопственик и управител на правниот субјект Друштво за производство, трговија и услуги ИНТЕРЛА увоз-извоз ДООЕЛ с.Лабуништа Струга во периодот од 07.10.2010 – 10.02.2023 година, со цел да се стекне со противправна имотна корист за себе и за пријавениот правен субјект во текот на 2021 година употребил влезни фактури со невистинита содржина за наводно извршена набавка на стоки и услуги во вкупен износ од 36.926.920 денари со вклучен ДДВ во вкупен износ од износ од 5.632.920 денари, издадени и ставени на располагање од страна на второпријавениот А. Т. во својство на управител на правен субјект Друштво за производство, трговија и услуги РЕЛАКС САС ДООЕЛ Неготино во периодот од 29.04.2020 година до денес.
Првопријавениот Ш. У. во сметководстваната евиденција ги евидентирал влезните фактури и креирал побарување за ДДВ кое го употребил за пребивање односно намалување на обврските за ДДВ со што нанел штета на Буџетот на Република Северна Македонија по основ на ДДВ по пресметковна стапка од 15,2542% во износ од 5.632.920 денари.
Македонија
„Палењето на куќата на Пандов е обид за заплашување и замолчување, бидејќи криминалците повеќе немаат заштита од власта“, велат од ВМРО-ДПМНЕ

ВМРО-ДПМНЕ најостро го осудува палењето на куќата на директорот на Управата за извршување санкции Александар Пандов и повика на итна и брза реакција од страна на институциите.
„Овој чин е обид за заплашување и замолчување на Пандов бидејќи изминатиот период јавно говореше за сите криминални дејствија што се случувале, а за кои тогашната власт и раководство се обиделе да ги затскријат.
Пандов е мета на напад бидејќи застана во отворена борба против криминалот и корупцијата“, велат од ВМРО-ДПМНЕ.
„Криминалците повеќе немаат заштита од страна на власта. За ваквото девијантно однесување мора да има казна.
Времето на палење куќи, автомобили, уцени и закани заврши, за секој одговорен и инволвиран во вакви настани ќе следува одговорност. Правда мора да има!“, додаваат од ВМРО-ДПМНЕ.
Македонија
Државниот секретар Петрушевски на средба со амбасадорот на Црна Гора Миљаниќ

Вчера државниот секретар во Министерството за внатрешни работи, Сашо Петрушевски оствари работна средба со амбасадорoт на Црна Гора во Р.С.Македонија Н.Е. Зоран Миљаниќ.
На средбата заеднички беа потврдени одличните односи помеѓу двете земји и високото ниво на политички дијалог и соработка, како и посветеноста за натамошно продлабочување на истата, извести МВР.
Државниот секретар во МВР Петрушевски се заблагодари за постојаната поддршка од страна на Црна Гора, потенцирајќи ја важноста за продолжување на билатералната и регионалната соработка кои се од особено значење за двете држави.
Во фокусот на состанокот беа актуелните политички состојби во двете земји, можностите за продлабочување на соработката преку учество во регионалните и меѓународните иницијативи, со цел зајакнување на истата во контекст на справување со безбедносните предизвици и борбата против секаков вид на криминал, соопшти МВР.