Македонија
(Видео) Ѓорчев: Немој да ме извисите, со ,,лајкови” ќе го победиме СДСМ

,,Кога ќе дојдеме на власт, таблите со името Македонија што ги вадат нека ни ги дадат на нас. Ќе ги чуваме по подруми и тавани, зашто ќе дојде време кога пак ќе ни требаат. Мора тоа да го направиме, тоа е нашиот аманет”, рече Владимир Ѓорчев, еден од кандидатите за претседател на ВМРО-ДПМНЕ на денешната партиска конвенција која што се одржува во Струга.
Тој порача да не помислуваат да полнат кутии на претстојните претседателски избори. ,,Ќе ги ставиме на црни листи и ние имаме свои адути”, рече Ѓорчев.
Тој додаде дека кога ќе биде претседател ќе се бори за Македонија со срце, ,,а не како Зоран Зоран и Никола Димитров за кои се е на продажба и распродажба”. ,,Во првите три месеци од мојот мандат ќе ги посетам Белата куќа, Брисел, Лондон и ќе ја кажам вистината за Македонија”, истакна Ѓорчев.
Тој упати порака до делегатите кои учествуваат на денешниот партиски конгрес во Струга. ,,Јас сум кандидат со бројки. На сите избори сме ги имале најубедливите победи на листите на кои што бев јас. Гласајте за победник кој знае што се избори”.
Обраќајки се до партиските органи и членството тој потенцираше: ,,Колеги јас сум ваш сопартиец и брат. Дајте ми ја довербата, нема да ве изневерам. Ова е најважниот говор во мојот живот. Немојте да ме извисите. Јас знам како да победам. За овие 100 дена, 25 пати ќе дојдам во секоја општина, ќе ја преораме Македонија. Дајте ми шанса да го вратам ВМРО-ДПМНЕ на правиот пат. Кога ќе излезете на улица гордо ќе можете да им кажете на луѓето: Добар ден, жива е Македонија”, истакна тој.
На делегатите од УМС ,Ѓорчев им рече да гласаат за некој кој бил во УМС, да гласаат за кандидат кој има и „Фејсбук“ и „Твитер“ и „Инстаграм“ и оти и со лајкови и со терен ќе го победат СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.