Македонија
Јакимовски до ВМРО-ДПМНЕ: Како „Алумина“, додека бевте на власт, беше проект, а сега е бизнис
Градоначалникот на општина Карпош, Стевчо Јакимовски, со реакција на прес-конференцијата на ВМРО-ДПМНЕ во врска со детаљниот план за „Алумина“:
ВМРО-ДПМНЕ, како што стои во напишаното од страна на Јакимовски, да престане да ја замајува јавноста со своите „тралала“ соопштенија.
„Тие треба да одговорат на јавноста како ‘Алумина, додека тие беа на власт, беше проект, а сега кога се опозиција, нивниот проект стана бизнис. Нека не кинат зелени со наводни одземања ингеренции на Општината за Владата да го изгласала детаљниот план. Моето искуство со Христијан Мицкоски говори дека исто вака и за проектот ‘Ист гејт’ долго се инаетеше додека не се испазари. Па потоа Христијан го излижа она што го плукаше. Ај што лижеше тој, мораа да излижат тоа што плукале и неговите советници од Гази Баба, кои обесчестени и понижени мораа да го гласаат детаљниот план за ‘Ист гејт’. Така ќе биде и сега додека го направи пазарот, па потоа по принципот маж рекол, маж одрекол тој и неговата арамиска дружина ќе си живеат среќно“, вели Јакимовски.
Додава дека за разлика од нив, проектот „Алумина“ тој секогаш го поддржувал и ќе го поддржува.
„И кога биле министри Миле Јанакиески и Владо Мисајловски-Кендо и сега кога е Бочварски, затоа што и тогаш и сега мислам дека е добар проект“, потенцира Јакимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.