Македонија
Јаулески: Ова реконструкција на Владата е спас таа да опстане ден повеќе
Пратеникот Јован Јаулески на денешната собраниска седница зборуваше за реконструкција на власта, каде што потенцира дека ова реконструкција е спас за Владата, која стои на стаклени нозе и се бори да опстане ден повеќе.
„Трагикомичната претстава под режија на власта за реконструкција на Владата продолжува и денеска. Она што тие го викаат реконструкција кај народот е познато како уште еден обид за спас на Владата, која стои на стаклени нозе и грчевито се бори да купи ден повеќе бидејќи во истиот момент кога ќе падне, ќе треба да се соочат со правдата“, рече Јаулески.
Пратеникот во текот на своето обраќање се осврна на Артан Груби и му порача дека треба да му е јасно дека ВМРО-ДПМНЕ не може да биде заложник на никого.
„Она што ми боди очи деновиве кога трае овој циркус е глупавите изјави на Артан Груби дека ВМРО-ДПМНЕ е заложник на Левицата и е криминална структура. Премиере, не Ковачевски, туку Груби, бидејќи Ковачевски е само маскота што треба да потпишува она што сака ДУИ. Господине Груби, прво што треба да ти е јасно е дека ВМРО-ДПМНЕ не може да биде заложник на никого и токму тоа е она што ве вади од кожа, што не можете да ја контролирате ВМРО-ДПМНЕ како СДС и токму тоа е она што ви ги меша плановите за менување на Уставот. Тоа ве вади од кожа, ве тера да се чувствувате поразено и да не можете да го истерате она за што се дале ветување таму горе, кај оние што ве контролираат“, потенцира Јаулески.
Тој јасно посочи дека ВМРО-ДПМНЕ нема во никој случај да гласа за уставните измени.
„Ниту во најлудиот сон ВМРО-ДПМНЕ нема да гласа за уставните измени за внесување на Бугарите во Уставот“, потенцира Јаулески.
Пратеникот Јаулески на крајот порача: „Македонија и македонските граѓани се повеќе од 20 години заложници од страна на вашите криминални структури. Заложници се и Албанците и покрај тоа што сте полна сала“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: ВМРО-ДПМНЕ сака да ја врати Македонија во времето на страв и уцени
ВМРО-ДПМНЕ сака повторно да ја врати Македонија во времето на страв, на уцени и притисоци, но граѓаните нема да потклекнат, рече претседателот на СДСМ, Венко Филипче, на вечерашниот собир во Конче во поддршка на кандидатот за градоначалник од СДСМ, Благој Илиев.
Тој остро ги осуди притисоците врз граѓаните во текот на кампањата, потенцирајќи дека власта на ВМРО-ДПМНЕ се обидува да ги заплаши луѓето преку институциите.
„Со полиција, финансиска полиција, шумска полиција, преку социјалните служби, прават притисок врз граѓаните. Сакаат да потсетат на времето кога сите живеевме во страв и уцени. Но тоа време заврши. Луѓето сакаат нормален живот, без притисоци, без закани, без поткуп,“ рече тој.
Филипче повика на масовна излезност во недела и поддршка за кандидатот на СДСМ, Благој Илиев.
„Да излеземе во огромен број во недела и да го заокружиме бројот 5 за Благој Илиев, човекот кој работи за вас, не за себе. За Конче да продолжи да се развива“, рече Филипче.
Тој кажа дека градоначалниците од СДСМ реализирале 90 до 100 проценти од ветеното.
„Нема општина во која СДСМ има градоначалник, а да ветената програма не е завршена 90 или 100 проценти“, рече Филипче.
Тој истакна дека граѓаните најдобро ја чувствуваат разликата кога општините ги водат луѓе кои работат чесно и посветено во интерес на сите.
„Многу добро знаете како Благојче работеше во минатиот мандат, како се однесуваше додека беше градоначалник, дека вратата му беше секогаш отворена и дека работеше за доброто на општината и на вас, граѓаните“, порача Филипче.
Претседателот на СДСМ во своето обраќање нагласи дека токму оваа разлика меѓу одговорно и неодговорно владеење се гледа насекаде низ државата.
„Нема општина во држава во која што има градоначалник од ВМРО-ДПМНЕ, а да програмата е завршена повеќе од 20 проценти. Како да се натпреваруваат кој помалку ќе работи за граѓаните“, рече Филипче.
Македонија
Претседателката на ЛДП, Моника Зајкова, со поддршка на Горан Герасимовски за втор градоначалнички мандат
Претседателката на ЛДП Моника Зајкова, денеска даде поддршка за втор градоначалнички мандат на Горан Герасимовски, којшто воедно е и актуелен градоначалник на Општина Центар.
Таа, потенцира дека сега е моментот да се изберат резултати, одговорност и отчетност, а не празни ветувања, токму затоа ја дава поддршката на Горан Герасимовски, кој, според Зајкова, ја препознава граѓанската визија, има искуство и е подготвен да работи посветено за доброто на заедницата.
„Одејќи накај Собрание (бидејќи работиме на новиот Предлог- закон за комунална полиција), наидов на предизборните активности на кандидатот за градоначалник на општината во која живеам. Водејќи се од визијата дека на граѓаните им се потребни искусни луѓе кои испорачуваат резултати, а не изговори, упатувам особен повик до сите граѓани кои во првиот круг гласаа за кандидати кои не влегоа во вториот круг: Поддржете кандидат кој ги разбира вашите потреби, кој со своето искуство и посветеност ќе испорача повеќе резултати и веднаш ќе започне со работа – со завршување на започнатите проекти и реализација на нови решенија во интерес на сите нас. Затоа давам поддршка за луѓе како Горан – кои ја препознаваат граѓанската визија, имаат искуство и се подготвени да работат посветено за доброто на заедницата. Сега е моментот да избереме резултати, одговорност и отчетност, а не празни ветувања“, напиша Зајкова, на својата објава на Фејсбук.
Македонија
Утре сончево време со температура до 21 степен
Времето утре наутро ќе биде постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец, информира УХМР.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла

