Македонија
Јајага-Запријанов: Соработката на армиите на Македонија и Бугарија доказ за посветеноста кон регионалната безбедност
Заменик министерот за одбрана Тирон Јајага денеска оствари средба со својот бугарски колега Атанас Запријанов кој е во посета на нашата земја во рамки на утрешната свечена церемонија за одбележување на 27 годишнината од формирањето на СЕДМ иницијативата, 24 години од формирањето на Бригата на Југоисточна Европа – SEEBRIG и преземањето на претседателството со СЕДМ и промената на командантот на SEEBRIG.
За време на денешната средба од страна на двајцата заменици министри беше потенцирано дека соработката на армиите и министерствата на двете држави се доказ за посветеноста кон регионалната безбедност, а пример е заедничкото учество во SEEBRIG, eVA, и НАТО мисијата на Косово, KFOR.
Заменик министерот Јајага упати благодарност до својот колега Запријанов за неговото претседателствување со Политичко – воениот управувачки Комитет и Координативен комитет на SEDM и потенцира дека оваа регионална иницијатива покажува дека заедничките напори секогаш не прават посилни, посигурни и побезбедни.
На средбата беше констатирано дека двете соседни земји ќе продолжат да ги користат сите можности за соработка како на билатерално, така и на регионално и мултилатерално ниво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Земјотрес вечерва почуствуван во подрачјето Штип-Радовиш
Земјотрес со локална магнитуда од 2,4 степени по Рихтер е регистриран вечерва во 19.54 часот со епицентар во подрачјето Штип – Радовиш, 68 километри југоисточно од Скопје.
Сеизмолошка опсерваторија при Природно-математичкиот факултет во Скопје соопшти дека според досегашните податоци со кои располага, земјотресот е почувствуван од населението во градот Штип и околината, со интензитет од III степени според Европската макросеизмичка скала.
Македонија
ЗНАМ ги соопшти кандидатите за министри во новата влада
Игор Филков, роден во 1979 година, е кандидат на Движењето ЗНАМ – За наша Македонија за министер за правда, а Горан Минчев (1972) е кандидат за министер за администрација.
Имињата за членови на новата влада од партијата на Максим Димитриевски беа утврдени на седница на партискиот Централен одбор вечерва, а потоа на прес-конференција ги соопшти Никола Мемов, портпарол на ЗНАМ.
Од ЗНАМ дополнително ќе ги соопштат имињата на замениците министри и на директорите кои им се доделени во коалициските договори.
Македонија
Таравари-Пападополу: Спроведувањето на договорите кои се веќе усвоени, треба да биде задолжително иако и во двете земји има одредени кругови кои не се согласуваат
Претседателот на Алијснса за Албанците, Арбен Таравари, заедно со пратениците Халил Снопче и Мимоза Муса остварија средба со заменик министерката за надворешни работи на Република Грција, Александра Пападополу, и амбасадорката на Република Грција, нејзината екселенција Софија Филипиду.
На средбата, страните се согласија за важноста на имплементацијата на меѓународни договори кои веќе се усвоени, и покрај тоа што во двете земји има одредени кругови кои не се согласуваат со тие договори, нивното спроведување треба да биде задолжително.
Таравари нагласи дека Северна Македонија нема друга алтернатива освен влез во ЕУ, а новата влада максимално ќе се посвети на европскиот пат и на зајакнување на односите со Република Грција, како мошне важен партнер на Северна Македонија.