Македонија
Ќе се проверува документацијата за да се откријат невакцинирани деца кои би можеле да шират морбили
Комисијата за заразни болести денес препорача здравствениот систем да се подготви за справување со нови случаи на заразени со морбили кои би можеле да се очекуваат во земјава. Портпаролот на Комсијата, Злате Мехемедовиќ, соопшти дека донеле три препораки откако го разгледале случајот со тринесетмесечното дете од Свети Николе заразено со морбили кое е веќе пуштено на домашно лекување.
„ Првата и основна работа е да се засили епидемиолошкиот надзор врз сите исипни трески затоа што на тој начин ќе можеме побргу да го ублажиме процесот на ширење на новодететктираните случаи. Второто е да се подигне свесноста меѓу здравствените работници и меѓу популацијата за постоење случај на морбили во државата. Третата препорака се однесува на матичните лекари, педијатрите и инфектолозите, внимателно да ги следат сите симптоми што се карактеристични за морбили во државата и да ги пријавуваат до надлежните центри за јавно здравје. Воедно, матичните лекари и педијатрите, суспектните случаи да ги препраќаат до специјалисти и инфектолози за понатамошна дијагностика“, рече Мехмедовиќ.
Тој препорача сите материјали кои ќе бидат земени од сомнителните случаи да се испраќаат до референтната лабораторија во Институтот за јавно здравје за дефинитивна дијагноза. Лабораторијата во институтот, Мехмедовиќ вели дека е референтен центар за дијагноза на сите исипни трески.
Мехмедовиќ најави и дополнителни поверки за да се спречи појава на нови случаи на заразени со морбили.
„Треба да се направи дополнително и преглед во документацијата на сите оние деца кои не се вакцинирани досега или не се комплетно вакцинирани со цел да се покријат и тие дупки или џебови во системот кои може да бидат причина за појава на нови случаи со морбили. Секако треба и да се засили процесот на едукација на населението за ефикасноста и важноста на МРП вакцината затоа што е најефикасен начин за контрола односно ублажување на последиците од морбили како болест меѓу децата“, вели Мехмедовиќ.
Алармот за морбили го вклучи случајот со 13-месечното дете од Свети Николе, заразно со морбили и невакцинирано. Тоа во понеделникот минатата недела било донесено со исип и покачена температура во Клиничката болница во Штип. Еден ден минало на одделот за педијатрија, а потоа било преместено на инфективниот оддел каде што останало до петокот кога било пуштено на домашно лекување.
„ Пуштено е на домашно лекување, во домашна изолација, во добра стабилна здравствена состојба без манифестирани клинички симптоми на какви било компликации кои ги засегаат респираторните патишта. Се работи за стабилизирана здравствена состојба и се очекува да нема никакви последици по здравјето на детето“ рече Мехмедовиќ.
Засега, Мехмедовиќ рече дека нема нови сомнителни случаи за морбили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Резултатите се јасни, им честитам на победниците
Кандидатот за претседател, Стево Пендаровски на прес-конференција вечерва кажа дека резултатите се јасни и им честита на победниците.
„Резултатите се јасни и немам намера подетално да ги разлагам. Согласно резултатите досега им честитам на победниците, да им посакам успешна работа во следните четири, односно пет години. Мојот концепт за мултиетничка Македонија денеска не доби мнозинска поддршка од граѓаните. Јас сум уверен дека само таква Македонија може да биде просперитетна и демократска држава. Мојата совест е мирна, но не сум сигурен дека совеста им е мирна на оние кои тргнувајќи од тесно партиски и лични политички интереси, денеска ефективно спречија илјадници наши граѓани да го земат второто ливче и да гласаат и на претседателските избори“, рече Пендаровски.
Тој се заблагодари на сите учесници во изборниот процес и на медиумите за соработката изминатите пет години.
Македонија
ДУИ очекува над 20 пратеници: „Имаме повеќе од 30.000 гласови предност пред опозицијата“
Од 50 отсто изборјано гласачки ливчиња, имаме над 30.000 гласови разлика пред „Вреди“, изјави Шефот на Изборниот штаб на Европскиот фронт, Арбр Адеми.
„Речиси во сите општини сме во предност: Дебар 2:1, Струга повече од 2:1, Кичево 5:1, Врапчиште повеќе од 2:1. ВО предност сме и во Тетово, Гостивар, Куманово, Липково“, изјави Адеми.
Како што рече, се потврдува дека Европскиот фронт ќе стигне до над 20 пратеници.
Според резултатите објавени на страната на ДИК, од досега пребројаните гласови, Европскиот фронт на ДУИ освоил 90.151 или 16,59 отсто, додека Влен има 73.893 гласа или 13,60 проценти.
Македонија
(Видео) Левица: Имаше нерегуларности, бугарски воз, притисоци од сегашната власт и закани за отпуштање по изборите од опозицијата
Партијата Левица вечерва по затворањето на гласачите места обвини за низа нерегуларности за време на гласањето, но и покрај тоа очекува позитивен резултат од изборите. Портпаролот Амар Мециновиќ обвини за ситуации со бугарски воз, попречено гласање, притисоци од сегашната власт но и закани за отпуштања од работа по изборите од сегашната опозиција.
„Денеска видовме дека имаше многу недоследности и неправилности во текот на целиот ден. Лица што требаше да гласаат како болни и изнемоштени вчера не можеа да гласаат. Денеска имаше ситуации на бугарски возови, имаше ситуации во кои имаше изборен материјал до изборните места и имаше ситуации каде што гласањето беше попречено на моменти. Од друга страна во текот на денот забележавме и дека структури блиски до сегашната власт вршеа притисок на наши активисти и на наши истакнати членови, додека, од друга страна, и најголемата опозициска партија го вршеше овој притисок. Дури се одеше до таму да се заканува со отпуштања по изборите“, рече портпаролот Мециновиќ.
Тој потенцираше дека денес пратеници на ВМРО – ДПМНЕ еклатантно лажеле дека Левица повикува на бојкот.
„Левица веќе два дена повикуваше на одѕив. Медиумите блиски на ВМРО-ДПМНЕ констатираа дека Левица не излегла да гласа. Тоа е лага. Ние повикуваме на гласање. Ние сме најголем непријател на оваа власт која сега си заминува. Го поздравуваме одењето на власт и очекуваме позитивен резултат“, нагласи Мециновиќ.
Од нешто повеќе од половина обработени избирачи, според податоците на Државната изборна комисија, Левица добила 31.012 гласови или 6,44 отсто од досега пребројаните гласови.