Македонија
Џафери за имунитетот на Вељаноски: Имам милион причини за лични чувства
![](https://makfax.com.mk/wp-content/uploads/2019/02/Untitled-design.jpg)
„Имам милион причин за лични чувства, но функцијата не ми дозволува“, рече претседателот на Собранието, Талат Џафери, на брифинг со новинарите во однос на целата ситуација со одземањето на имунитетот на поранешниот собраниски спикер Трајко Вељаноски.
Џафери, повикувајќи се на Деловникот, ги убедуваше новинарите дека немало што да стави на гласање бидејќи немало заклучок од Комисијата за мандатни и деловнички прашања. А што се однесува на причините за прекин на седницата, тој го повтори ставот дека тоа било поради однесувањето на пратеникот на СДСМ, Мухамед Зеќири.
Џафери во неколку наврати порача да се консултираат правни експерти за оваа проблематика и додаде дека ќе иницираат измени на Деловникот за да се спречат слични ситуации како оваа кога гласањето на Комисијата беше пата-пата и немаше заклучок.
Во однос на обвинувањата на обвинителката Вилма Русковска дека Собранието ќе биде одговорно за евентуално бегство на пратениците на кои не им беше одземен имунитетот, Џафери се повика на Законот за кривичната постапка и додаде дека одговорноста е на правосудните инстанци.
Тој не сакаше да зборува за односите во коалицијата бидејќи тоа било политичко прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.