Минатата година не само што имаше рекордно производство на тутун, туку задоволуваше и квалитетот на тутунот, поради што и откупните цени беа повисоки.

Минатата година не само што имаше рекордно производство на тутун, туку задоволуваше и квалитетот на тутунот, поради што и откупните цени беа повисоки. Новиот закон за пушење со кој што од први јануари се забранува пушење на сите јавни места  во земјава, не треба да ги обесхрабрува производителите на тутун во земјава.  Истражувањето на професорот Душко Боцевски, кое почна од 2003 година и се уште трае, годинава треба да стане реалност и од тутунот да почне да се произведува биогориво.„Од оваа година мислиме да почнеме со плантажно производство, во Скопје има заинтересирана фирма која ги изработи студиите“, вели Живко Тасевски, од Сојуз на здруженија на тутунопроизводители.Постојат предрасудите дека тутунот е билка која се користи само како суровина за цигари. Но тутунот има и други потенцијали кои ги користат фармацевтската и хемиската индустрија. Биогоривото би се произведувало од нови сорти на тутун. Три типа веќе се одвоени и од нив за производство на алтернативното гориво ќе се користи стеблото, листот и цутот.Кај стандардните сорти на тутунот кои се одгледуваат во Македонија приносот на семе по еден хектар изнесуваат од 500 до 1.500 килограми. Во експериментите од страна на професорот Боцевски приносот на семе по една билка достигна и до 242 грама. Ова истражување е единствено од овој тип во светот.За овој патент професорот Боцевски добил втора светска награда./ крај/тера/нч/