Нема да ги прекинеме протестите и не се откажуваме од нашите барања, но следниот вторник нема да бидеме вака мирни и ќе преземеме порадикални чекори, изјави Љиљана Георгиевски, дел од стечајците кои протестираа.

Нема да ги прекинеме протестите и не се откажуваме од нашите барања, но следниот вторник нема да бидеме вака мирни и ќе преземеме порадикални чекори, изјави Љиљана Георгиевски, дел од стечајците кои протестираа.Полициското обезбедување спречи група стечајци насилно да влезат во владата денеска попладне откако разбраа дека нивните барања се одбиени. Непосредно по објавувањето на веста дека владата ги одби барањата на стечајците, настана метеж при што дел од стечајците се обидоа на сила да влезат во владините простории.Според Драги Јовановски од Сојузот на синдикатите на Македонија, стечајците биле примени од Премиерот Никола Груевски и од скоро сите членови од Владата и од нив добиле дефинитивен одговор дека за стечајците не може да се реши прашањето, со образложение дека тие тоа го немаат предвидено во програмата и не го ветиле на изборите.„Дали и ние имаме право на живот? Работиме по 35 години за оваа држава, ова што ни се случува е голема срамота. Гробиштата се преполнија од луѓе како нас,“ изјави еден од револтираните стечајци по веста дека сеуште нема решение за нивниот статус.„Ќе се обратиме и до претседателот на Македонија и до Собранието на Македонија, а доколку и тие не сакаат да ни помогнат, ќе се обратиме кај сите амбасадори во државата и ќе бараме азил за овие луѓе. Со само 10 до 20 милиони евра годишно, државата ќе го реши статусот на стечајците, но таа очигледно не сака да го стори тоа,“ рече Јовановски.Метежот кој настана по одбивањето на барањата на стечајците набргу беше расчистен, но двајца од стечајците паднаа во несвест, по што со екипи на полицијата и итната медицинска помош беа однесени во Клинички центар.Стечајците во текот на протестот беа посетени од Љубе Бошкоски од Обединети за Македонија и Марјанчо Николов и Цветанка Иванова од СДСМ.Неколку стотина стечајци се собраа денеска пред владата за да го изразат нивното незадоволство од нерешавањето на нивниот статус.Тие бараат лицата кои имаат над 15 години работен стаж и старост над 53 години за мажи и 50 за жени да добијат по 100 евра месечно, односно како што рекоа да дојдат до „пари за леб“./крај/ко