Македонија
Нискоградба си ги расипа возилата оти добила влажна сол
Улица Рузвелтова речиси и да немаше место без вода. Граѓаните со мака се обидуваа да ја поминат барајќи чист терен. Битолчани реагираат дека оваа не е единствената улица каде што неисчистениот снег прави проблеми:
Улица Рузвелтова речиси и да немаше место без вода. Граѓаните со мака се обидуваа да ја поминат барајќи чист терен. Битолчани реагираат дека оваа не е единствената улица каде што неисчистениот снег прави проблеми:
“Само центарот е исчистен, да видите кај Јадранска, горе Брусничка како е. Мислам дека не се ангажираат доволно работниците, луѓето кои се без работа, воопшто не е чист“ коментираат битолчани.
Екипите на Нискоградба на терен се со сите возила, а улиците од прв и втор приоритет и селата во нивна надлежност неколкупати биле поминати. Потрошени се околу 50 тони сол и 20 метри кубни ризла.
Материјал имаат во доволна количина: ,,Неколку пати населените места и селата околу градот се поминати, немаме информација за застој во сообраќајот, освен селото Ореово кое не е исчистено, но мислам дека до крајот на денот ќе се исчисти и тој дел, вели Венцо Шишкин, технички директор на Нискоградба.
Влажната сол им создала проблеми на возилата на јавното претпријатие: ,,Предизвика дефекти на возила, знаете како е влажната сол од соларникот не излегува, но тие дефекти се отстранети. Порачана е нова количина за која се надеваме ќе биде со добар квалитет, вели Шишкин.
Денешните високи температури предизвикаа нагло топење на снегот поради што екипите на нискоградба денеска беа ангажирани и околу сливниците.
„И во моментот се расчистува снегот околу сливниците. Поради врнежите кои се очекуваат вечерва се препорачува внимателно возење, затоа што ќе доаѓа до мрзнење, а ние не можеме да интервенираме на терен за 5 до 10 минути, вели Шишкин.
За отстранување на снегот од Широк Сокак Нискоградба треба да добие налог од општината. Вечерва и утре се очекуваат нови врнежи од снег поради што од претпријатието апелираат до граѓаните снегот од дворовите да не го фрлаат на улиците затоа што тоа им ја отежнува работата на работниците, а истото предвидува и законска казна./крај/тера/цр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.