Македонија
Трибина „ Сите за еднаков свет!”
Трибина на тема “Младите за инклузија и интеграција на лицата со посебни потреби во општеството-Сите за еднаков свет!” ќе се одржи денеска во Градското собрание.
Трибина на тема “Младите за инклузија и интеграција на лицата со посебни потреби во општеството-Сите за еднаков свет!” ќе се одржи денеска во Градското собрание.Темата на трибината е наменета за лица со посебни потреби, на којашто ќе земат учество претставници од Град Скопје, Министерство за труд и социјална политика, училиштата и од невладините организации во земјава, а е дел од реализацијата на младинската акција “Пролетен ден во Европа 2010”.Главниот настан ќе се одржи на 27 март 2010 година, (сабота), во Градскиот парк во Скопје. Оваа манифестација се организира по деветти пат, а настанот беше инициран на локално ниво од Претседателот Борис Трајковски. Настанот истовремено се случува во повеќе Европски градови и е традиција почитувана и во нашава земја. Целта на “Пролетен ден” е да се претстави платформа за младите, преку којашто им се дава можност да ја искажат својата хуманост и чуство за давање помош на оние на коишто им е најпотребна. Воедно, 2010 година е прогласена за година на хуманост и социјална грижа на Европско ниво, со што им се дава шанса на млaдите од Република Македонија да го доживеат овој ден и да се приклучат на европскиот начин на живот, но и да ја искажат својата определба за европска Македонија. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.