Норвешка донираше 13.500 брзи тестови, од кои 10.000 за Министерството за здравство

Министерот Венко Филипче, присуствуваше на примопредавањето на донацијата. Оваа помош произлегува од потпишаниот Протокол за донација меѓу министерката за одбрана Радмила Шекеринска и норвешкото одбранбено аташе, ппк. Егил Далтвејт.

Од прогласувањето на кризната состојба, Министерството за одбрана се вклучи во помош за справување со ковид кризата, рече министерот Филипе. Веќе од понеделник, Воено медицинскиот центар со тим од 12 лекари и 20 медицински сестри ќе се вклучат во работа на ковид одделенија во Скопје.

„Тоа е голема помош и поддршка имајќи предвид дека сега сите специјалисти од областа на интерната медицина, сите инфектолози од почеток на кризата се посветени на третман на пациентите со Ковид 19. Оваа донација од брзите тестови е многу значајна, бидејќи го олеснија пристапот на пациентите кон тестирање, но го олеснија и процесот на движење на пациентите во болничките установи. Со брз тест за 15 минути се знае дали е пациентот позитивен или не и по која „патека“ ќе треба да се лекува во болничките установи“, рече министерот.

Филипче упати благодарност до Кралството Норвешка и нивното Министерство за одбрана за оваа многу значајна помош и поддршка за нашата земја.

Во изминатите 24 часа во ковид центрите во болниците низ земјава е пријавено дека се лекуваат вкупно 833 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 63 пациенти позитивни и суспектен на Ковид-19.

Во болницата во Штип се хоспитализирани 57 пациенти. На инфективното одделение во Тетово има 46 пациенти, во Велес се лекува 61 пациент, а во Куманово 120 пациенти позитивни и суспектни на КОВИД 19. Во ковид центарот во Охрид има хоспитализирано 110 пациенти, во Прилеп 114, во ковид центарот во Гостивар 57, а во Струга 29 болни.

Во болницата во Струмица лежат 79 пацинети, во Кочани 17, во Кичево 20, Кавадарци 44, а во Гевгелија 16 лица позитивни на корона вирусот.

Бројките се менуваат од час во час, според направените приеми и исписи на пациенти.

Вкупната бројка на пациети позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1296и има колку 160 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла.

Инаку, сите одделенија на клиничките болници располагаат со болнички места до кои има довод на кислород.

Од Министерството за здравство велат дека и покрај големиот наплив на пациенти во изминативе десетина дена, Министерството е во постојан контакт со сите болници и доколку има потреба, капацитетите на ковид одделенијата ќе бидат дополнително проширени.

Бугарија треба да даде согласност за почеток на преговорите за Северна Македонија, откако ќе се признаат објективните историски факти и процесот на искоренување на говорот на омраза ќе стане одржлив и неповратен. Ова го изјави бугарскиот претседател Румен Радев.

Радев коментира дека владата со години давала дарежливи ветувања за безусловна поддршка на Сверна Македонија, и доцна се сетила дека мора да го заштити националниот интерес, рече претседателот, пренесе БГНЕС.

Според него, би било голема грешка ако премиерите Борисов и Заев играат „некаков театар“ и потпишат декларација на желби, како што е договорот од 2017 година, без јасни критериуми и механизми.

„Имаме најголема желба нашите пријатели од РС Македонија да ја добијат својата европска перспектива и затоа сега треба да почекаме да се смират емоциите. Ние мора да се вооружиме со трпеливост за отворен, мирен разговор, за да можеме јасно да ги видиме позициите на обете страни и да не бидеме во искушение со брзи одлуки“, вели Радев.

Според него, Бугарија треба да се согласи на преговори тогаш кога во Северна Македонија ќе се искорени говорот на омраза, како и злоупотребувањето на, како што вели, бугарскиот идентитет и суверенитет. Во спротивно, додава Радев, проблемите би интегрирале во ЕУ.