Македонија
Продолжува истрагата по исчезнатото дете од Средно Коњаре
Полицијата ја продолжува истрагата по Митат Ибраими, детето кое во петокот попладне исчезна од домот во скопското село Средно Коњаре.
Полицијата ја продолжува истрагата по Митат Ибраими, детето кое во петокот попладне исчезна од домот во скопското село Средно Коњаре.
Се уште нема официјални информации за неговото исчезнување, потрагата продолжува по текот на реката Пчиња.
Министерот за труд и социјална политика денеска попладне ќе го посети семејството Ибраими и ќе им додели еднократна помош во висина од две просечни нето плати.
Трагата на седум и пол годишното момче му се губи откако се вратило од училиште, дошло дома и ја оставило чантата.Неговите родители не биле дома, работеле на нивите во близина на реката Пчиња.
Кога се вратиле ја заблежале само чантата и заедно со другите жители на селото организирале потрага, но не успеале да го најдат детето.
Покрај реката биле најдени траги од детски стапалки. Истрагата треба да покаже дали овие стапки се на изгубениот Митат.Детето било просечно развиено за негова возраст, слабо по конструкција, со кафеави очи и смеѓа коса.
Последен пат било облечено во сини фармерки и зелена горна тренерка. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Убиени оперативци на Хамас откако излегле од тунел во Газа
Израелските одбранбени сили (ИДФ) убија четворица оперативци на Хамас денес откако излегоа од тунел на југот од Појасот Газа, објави армијата.
Оперативците биле забележани како излегуваат од тунел во источниот дел на Рафа, област контролирана од ИДФ, каде што се верува дека десетици борци на Хамас се заробени под земја, објави „Тајмс оф Израел“.
Според армијата, четворицата оперативци биле убиени во напад на израелските војници и воздухопловните сили.
ИДФ работи на утврдување на нивниот идентитет, а претставници на одбраната се сомневаат дека меѓу убиените членови на ќелијата се командантот на батаљонот на Хамас за Источна Рафа и неговиот заменик, објави „Тајмс оф Израел“.
Македонија
Вечерва ќе се знае кој креативен средношколец ќе добие 1 милион денари за својата идеја
Големото финале на „Средношколец Милионер“, каде десет тима ќе ги претстават своите идеи за бизнис пред пет реални инвеститори се оржува денеска во просториите на Бреинстер НЕКСТ колеџот.
Како што се наведува во соопштението на организаторот станува збор за идеи што решаваат конкретни, современи проблеми од финансиска писменост и едукација, до AI алатки, локален развој, туризам, здравствени навики, фриленс можности за младите и др.
Финалистите денес ќе бидат оценувани според јасното дефинирање на проблемот, конкретното и применливо решение, изводливиот и исплатлив бизнис модел и целокупната подготвеност на тимот да ја спроведе идејата.
-Овој натпревар покажува дека новата генерација размислува практично, технички и пазарно. Тие не создаваат идеи „на хартија“, туку функционални концепти што може да се имплементираат веднаш. И горди сме на успехот кој го постигнаа сите учесници досега, велат организаторите на натпреварот.
Во финалето ќе се натпреваруваат четири тимови од средните училишта во Скопје, три од Битола, две од Велес и еден тим од Куманово.
Најдобриот тим ќе ја освои главната награда од 1.000.000 денари, со можност својата идеја да ја претвори во вистински бизнис.
Македонија
Скопје утрово се разбуди со температури под нулата
Најниска температура утрово е измерена со во Скопје – Петровец – 2 степени, во Штип, Струмица, Крушево, Маврови Анови – 1, додека во Скопје-Зајчев Рид, Крива Паланка, Велес, Демир Капија нула степени.
Во Виница, Берово се измерени еден степен, во Прилеп и Кавадарци два степени, во Тетово, Охрид, Претпор и Битола три степени и во Гевгелија пет степени.
Времето денеска ќе биде променливо облачно со сончеви периоди. Ќе дува слаб до умерен ветер од северозападен правец. Максималната температура ќе биде во интервал од 7 до 13 степени.
Во Скопје, времето ќе биде променливо облачно со сончеви периоди. Ќе дува слаб до умерен ветер од северен правец. Максималната температура ќе достигне до 9 степени.

