Транспарентност за процесот на европска интеграција на Македонија од страна на Владата побара денеска поранешниот вицепремиер за европски прашања Ивица Боцевски.

Транспарентност за процесот на европска интеграција на Македонија од страна на Владата побара денеска поранешниот вицепремиер за европски прашања Ивица Боцевски. Во улога на претседател на одборот за евроинтеграции во Либерално-демократската партија (ЛДП), Боцевски презентираше документ што кон крајот на 2009-та година бил доставен до владата, а во кој се содржани клучни приоритети, краткорочни приоритети и показатели што ќе бидат клучни за оценувањето на напредокот на Македонија при изготвувањето на годишниот извештај на Европската комисија (ЕК). „Во досегашниот период, процесот на европската интеграција беше најтранспарентен процес во Македонија, а јавноста беше информирана за сите аспекти на македонскиот пат кон ЕУ. Затоа, ЛДП е должна повторно да потсети дека шест месеци пред новиот Извештај на ЕУ за напредокот, македонската јавност се наоѓа во целосен информативен мрак за најбитниот процес – европската интеграција, па на половина од шпанското претседателство Македонија знае како Скопје ќе изгледа во 2014 година, а македонскиот граѓанин се уште не знае како македонската економија, македонската демократија и македонскиот пат кон ЕУ ќе изгледаат до крајот на оваа 2010 година. Да повторам, часовникот до 30 јуни 2010 година неповратно отчукува!“, рече Боцевски. Тој повика за овој документ да се разговара пред Собранието, Националниот совет за евроинтеграции и пред македонската јавност воопшто. /крај/ач