Македонија
ИТУ:Македонија со најголем скок во развојот на информатичкото општество

Македонија се искачи 17 места погоре во делот на информатико-телекомуникацискиот развој (ИКТ) и со апсолутна предност го има направено најголемиот напредок во развојот на информатичкото
Македонија се искачи 17 места погоре во делот на информатико-телекомуникацискиот развој (ИКТ) и со апсолутна предност го има направено најголемиот напредок во развојот на информатичкото општество во целиот свет.
Ова го изјави министерот Иво Ивановски при презентацијата на Извештајот за Мерење на информатичкото општество за 2008 година направен од страна на Интернационалната телекомуникациска унија(ИТУ).
Овој извештај ги мери двата главни индикатори и тоа Индексот за ИКТ развој и ИКТ ценовна кошничка.
Токму во делот на ИКТ развојот, кој е пресметан во 159 земји, Македонија го има направено најголемиот прогрес и скокна од 67-то на 50-тото место.
Пенетрација на фиксните и мобилните телефонски линии, интернационалниот интернет опсег по корисник, зголемениот процент на домаќинства со компјутери и интернет пристап се клучните индикатори што се истакнуваат во Извештајот и што и го донесоа напредокот на Македонија.
Покрај во делот на “вештините“ во рамките на ИКТ развојот, земјава се искачи осум места погоре и во делот “користење“ и од 57 то стигна до 49 тото место.
Како резултат на подобрувањата во наведените под-индекси оценката за Македонија од 3.40 во 2007 е подобрена на 4.32 во 2008 година и со тоа од вкупно 159 земји Македонија се најде на 51-то место.
“Земји лидери на табелата се Шведска, Луксембург, Кореа, Данска и Холандија додека од регионот пред нас се Хрватска, Грција Бугарија и Црна Гора но нивниот напредок за разлика од Македонија е минимален“-истакна Ивановски.
Министерот додаде дека Владата и натаму активно ќе продолжи да инвестира во ИКТ секторот. Истакнувајќи дека ова е еден од најголемите успеси на македонското информатичкото општество којшто е забележан од оваа реномирана Унија.
“Покрај скокот од 17 места за 2008 година, очекуваме 2009 да биде уште подобра бидејќи имавме поголем број проекти, со оглед на фактот дека користењето на компјутерите во домаќинствата беше 51 отсто додека на интернетот над 41 отсто“,заврши Ивановски./крај/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски-Спајиќ: во фокусот посветеноста на европската интеграција на Западен Балкан

Во пресрет на утрешниот Самит ЕУ – Западен Балкан, денеска министерот за надворешни работи и надворешна трговија, Тимчо Муцунски, оствари средба со премиерот на Црна Гора, Милојко Спајиќ.
Двајцата се дел од овогодинешната група добитници на признанието „Млад глобален лидер“ (YGL) на Светскиот економски форум – мрежа која веќе две децении обединува исклучителни личности под 40 години кои предводат позитивни промени ширум светот.
Програмата за млади глобални лидери е симбол на колективна акција и визија, поттикнувајќи нови форми на лидерство во ера на глобални трансформации. Тоа што двајца политичари од Западен Балкан се дел од оваа заедница е потврда за промените што оваа генерација ги носи во регионот, информираат од МНР.
На средбата се разговараше за зајакнување на билатералната и регионалната соработка, како и за потврдување на заедничката посветеност на европската интеграција на Западен Балкан – како дел од визијата за обединета, просперитетна и силна Европа.
Македонија
МВР: Од 1 јули летен режим на сообраќај за тешки товарни возила

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, соопшти МВР.
Забраната се однесува за следните термини:
петок од 17:00 – 22:00 часот
сабота од 09:00 до 19:00 часот
недела од 09:00 до 22:00 часот
Во деновите со екстремно високи температури, определени од Министерство зa здравство, забраната ќе важи и од понеделник до четврток во период од 11:00 до 17:00 часот.
Специјален сообраќаен летен режим за тешки товарни возила се воведува и на патниот правец А2 Скопје – Охрид – Скопје во периодот од 01.07.2025 до 01.09.2025, и тоа:
Од понеделник до четврток од 11:00 до 17:00 часот, само во денови со екстремно високи температури определени од Министерството за здравство:
петок од 17:00 – 22:00 часот
сабота од 07:00 до 12:00 часот и од 18:00 часот до 24:00 часот и
недела од 07:00 до 22:00 часот
– Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
Македонија
Пренасочување на возилата поради сообраќајка на патот Демир Хисар – Кичево

Од 19:10 часoт има пренасочување на сообраќајот на патниот правец Р1305 Демир Хисар – Кичево поради случена сообраќајна незгода, возилата ќе бидат пренасочени преку с.Единаковци, соопшти АМСМ.
Сообраќајот на државните патишта се одвива непречено, по суви коловози.
Според последното известување од АМСМ, интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.