Македонија
Месечна прослава на роденденот на холандската кралица во Македонија
Роденденот на холандската кралица Беатрис 30-ти април во Македонија ќе биде прославуван цел месец и низ повеќе градови во Македонија.
Роденденот на холандската кралица Беатрис 30-ти април во Македонија ќе биде прославуван цел месец и низ повеќе градови во Македонија.
„Како што знаете секоја година ние го славиме “Денот на кралицата Беатрис“ на денот на нејзиниот роденден и сакам тој ден да го прославиме не само за холандскиот народ, туку и за македонскиот народ. Тоа е многу пријателски ден во Холандија и сакаме да испратиме пријателска порака во Македонија на тој ден“, изјави амбасадорката на Холандија во Македонија Симоне Филипини.
Активностите ќе започнат на 1-ви а ќе траат до 30-ти април а целата манифестација ќе биде под мотото „Биди креативен, дизајнирај го твојот иден град“.
Месецот на креативни градови ќе започне со „Велофест“, фестивалот на креативен велосипедизам, а по него ќе следи „Танц- фест“ предводен од кореогравката Рисима Рисимкин.
Познатиот холандски дизајнер Дејвид Грас ќе одржи работилница со 15 млади дизајнери од Македонија.
Холандската амбасада ќе ја поддржи изградбата на отворена бина во паркот во Чаир, како и Холандски парк во Охрид.
На 29-ти април со чартер лет ќе допатува група на холандски туристи во Скопје а следниот ден група македонски туристи ќе отпатува во Амстердам каде можат да го проследат празнувањето на овој празник.
Холандската амбасада на 30-ти април ќе подготви ДВД со краток документарец во режија на Коле Ангеловски снимен во 1979 година кој ќе граѓаните ќе можат да го добијат со секој купен број на весникот „Нова Македонија“.
Роденденот на Кралицата Беатрис ќе биде повод за почнување на хуманитарна акција под мотото „Можеш ако сакаш“ со цел да се соберат средства за изградба на одделение за интензивна нега на клиниката за детска хирургија во Скопје.
Граѓаните преку јавување на мобилните оператори T-Mobile, One, VIP 070 143300, 075 143075, 077 143333 или со донирање на парични средства на жиро сметката на Тутунска банка 210-0641697702 08 ќе можат да придонесат за собирање на потребните пари./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..