„Здравството во нашата држава се соочува со огромни финансиски загуби и технички недостатоци, а министерството за здравство и фондот за здравствено осигурување проблемите сакаат да ги решат на грбот на граѓаните и вработените во здравствениот сектор“.

„Здравството во нашата држава се соочува со огромни финансиски загуби и технички недостатоци, а министерството за здравство и фондот за здравствено осигурување проблемите сакаат да ги решат на грбот на граѓаните и вработените во здравствениот сектор“., вака реагираше социјал демократскиот сојуз на денешниот светски ден на здравјето.

,,По 4 години од преродбата на ВМРО ДПМНЕ  во здравството денес имаме уништување на државното , јавно здравство и ненаменското трошење на нашите народни пари на споменици за Скопје 2014, скапи реклами.  Ние сме против мерките, како што се намалување на капитацијата на матичните лекари, намалената капитација на матичните гинеколози, лекови за пациентите до 10-ти во месецот и хаосот во фармацијата и аптеките, вели Дијана Ѓоргиевска, СДСМ. Опозицијата уште еднаш забележа на состојбите во битолската клиничка болница.

,,Ние сме против ненаменски менаџираниот буџет на битолската клиничка болница на штета на потребните материјали и лекови за болните, не се согласуваме со привремените партиски вработувања со постојано задолжување на битолската болница, која за една година е прва по задолженост во државата, вели Ѓоргиевска.

Како последица на тоа здравствените работници  одговорни за квалитетот на здравствените услуги, работеле со дестимулативни, намалени плати. ,,Сите овие мерки го загрозуваат здравјето и социјалниот мир на нашите сограѓани.  Денес со ,,преродбата“ имаме финансиски колапс во фондот, промашени реформи, незадоволни здравствени работници и напатени пациенти кои го плаќаат најголемиот цех, вели Ѓоргиевска.

Предизвикани од проблемите во здравството во Општина Битола, членовите на комисијата за здравство на СДСМ утревечер ќе одржат трибина во Центарот за култура од 18 часот. /крај/тера/сл