Професорката Рената Десковска Треневска ќе биде претставник на СДСМ во работната група што треба да ги систематизира и усогласи предложените иницијативи за Уставните измени од страна на политичките партии.

Професорката Рената Десковска Треневска ќе биде претставник на СДСМ во работната група што треба да ги систематизира и усогласи предложените иницијативи за Уставните измени од страна на политичките партии.

Лидерот на СДСМ, Бранко Црвенковски во писмо до претседателот на ВМРО-ДПМНЕ, Никола Груевски изрази задоволство од јавно искажаниот став на владејачката партија за прифаќање на Уставниот амандман предложен од страна на СДСМ.

„Процесот на трансформација на фирмите со општествен и државен капитал е постојано проследен со впечаток и обвинувања за бројни кривични дела поврзани со овој процес, во сите изминати години без разлика чија Влада раководела со државата“ се вели во писмото на Црвенковски.

Според него, од огромна важност за иднината и бизнис климата во Македонија, низ соодветна правна процедура да се затворат сите контроверзи, како приватизациите согласно законот за општествен капитал на Анте Марковиќ, во периодот од 1989 до јуни 1993 година, приватизациите на Фершпед, Пивара – Скопје, Силекс, Македонија Турист, ОКТА, ЕВН, ЕСМ.

„Вашите обвинувања дека овој предлог е блеф или ситен политички трик, се недозволиви и несериозни. Расчистувањето на контроверзите поврзани со приватизацијата е од огромно значење и врвен приоритет за мнозинството граѓани во Република Македонија“ се вели во писмото на Црвенковски. /крај/со/фф