Новинарите кои ја третираат културата во регионот ги има се помалку, најверојатно поради недостатокот на поддршка од државните институции и медиумските корпорации, заклучија соговорниците на регионалната конференција „Балкан, медиуми и култура – Време за промени“.

Новинарите кои ја третираат културата во регионот ги има се помалку, најверојатно поради недостатокот на поддршка од државните институции и медиумските корпорации, заклучија соговорниците на регионалната конференција „Балкан, медиуми и култура – Време за промени“. Според Пиро Миша, издавач од Албанија, иако постои голема заинтересираност од индивидуалците новинари за инволвирање во проекти од областа на културата, сепак постои недостаток на застапеноста на оваа дејност во медиумите. „Понекогаш властите се повеќе загрижени за одржувањето на етничката линија или балансот на етничките заедници во културните проекти, отколку промовирање и реализирање на интересни и свежи идеи во културата,“ вели Нихад Крешевљаковиќ од Интернационалниот театарски фестивал „MESS“, Сараево. Конференцијата е воведен настан од БИЦЦЕД проектот и има за цел да изгради мрежа од новинари и културни организации од регионот, како и да се фокусира на заедничките прашања за културната политика со цел да се досегне до пошироката јавност и креаторите на политики и за да се придонесе за промена и развој на културните политики и на локално и на регионално ниво. Како дел од ваквиот проект, секоја година ќе бидат избирани десет новинари кои ќе имаат обука и ќе учествуваат во пишувањето на написи за културната политика, кои потоа ќе бидат објавени на веб сајтот на „Балканска иницијатива за културна соработка, размена и развој“ – БИЦЦЕД, и преведени на сите јазици во регионот, како и презентирани во 90 медиуми низ Балканот. Проектот е финансиран од Швајцарската културна програма за Западен Балкан./крај/ко