Македонија
Италијанската полиција ќе отвора канцеларија за врски во Македонија

Италијанската полиција ќе отвора канцеларија за врски во Македонија, најавија Директорот на бирото за јавна безбедност, Љупчо Тодоровски и директорот на италијанската полиција Антонио Манганели, во рамките на неговата еднодневна посета во Македонија.
Италијанската полиција ќе отвора канцеларија за врски во Македонија, најавија Директорот на бирото за јавна безбедност, Љупчо Тодоровски и директорот на италијанската полиција Антонио Манганели, во рамките на неговата еднодневна посета во Македонија. „Меѓународниот криминал и каналите за криумчарење не познаваат граници, така што единствениот ефикасен начин за спротивставување и борба со овој вид на криминал е заедничката соработка која се базира на развивање и негување на меѓусебната доверба“, изјави првиот човек на Бирото за јавна безбедност при МВР, Љупчо Тодоровски. Манганели пак ја посочи можноста од скорашното отворање на канцеларија за врски на италијанската полиција во Скопје, чија што примарна цел би била натамошно продлабочување и интензивирање на заедничката соработка./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Шуто Оризари денеска без струја

Од ЕВН – Македонија известуваат дека денеска без електрична енергија ќе останат:
· во периодот од 09.00 до 15.00 часот, дел од корисниците од Шуто Оризари место викано Пирков Рид. (општина Шуто Оризари)
Македонија
Без вода делови од Гази Баба и Кисела Вода

Од ЈП Водовод и Канализација известуваат дека денеска ( четврток) поради изведување на водоводен приклучок од ф – 80 мм на ул. Михаил и Евтихиј бр. 33 во населба Кисела Вода, во периодот од 09.00 часот па се до завршување на работата без вода ќе останат корисниците од ул. Михаил и Евтихиј. ( општина Кисела Вода).
Од таму со соопштение дека поради изведување на водоводен приклучок од ф – 100 мм на ул. 30 во населба Трубарево, во периодот од 09.00 часот па се до завршување на работата без вода ќе останат корисниците од населба Трубарево. ( општина Гази Баба ).
Македонија
Претежно сончево и многу топло

Времето денеска, претежно сончево и многу топло со слаб до умерен ветер од променлив правец. Минималната температура ќе биде во интервал од 11 до 20, а максималната ќе достигне од 32 до 39 степени.
Во Скопје, сончево и многу топло со слаб до умерен јужен ветер. Минималната температура ќе се спушти до 18, а максималната ќе достигне до 39 степени.
Под влијание на топла воздушна маса од југ, до средината на следната седмица времето ќе биде сончево и многу топло со мала до умерена облачност.
Дневната температура насекаде ќе биде над 30°C, а наместа ќе надминува 40°C.
Во недела во попладневните и вечерните часови ќе има услови за локална нестабилна облачност со пороен дожд и грмежи.