Македонија
МВР: Идентификувани тројца од четворицата загинати во Радуша – Фото
Полицијата потврди дека се идентификувани тројца од загинатите во престрелката што ноќеска се случи во близина на скопското село Радуша, врз база на документацијата што била најдена кај нив.
Полицијата потврди дека се идентификувани тројца од загинатите во престрелката што ноќеска се случи во близина на скопското село Радуша, врз база на документацијата што била најдена кај нив.
Според извори на Макфакс, еден од загинатите е косовски државјанин Џафер Шаља (31) од Приштина кој што се барал со меѓународна потерница и во Македонија бил осуден на девет години затвор.
Според документацијата која била пронајдени кај останатите двајца, неофицијално се работи за Кемал Фејзула од село Грчец и Шабан Зенуни од село Мерово. Од МВР не го потврдуваат идентитетот на загинатите, се додека не заврши ДНК анализата.Полициските сили синоќа поставиле заседа во реонот на Радуша и Рашче и вршеле контрола на возилата што поминувале на патот, кога групата наишла со возило „Мерцедес Спринтер“. Еден од загинатите го управувал комбето, со прилепски регистерски таблици, најверојатно фалсификат, додека останатите тројца седеле позади. Тие не ја послушале наредбата на полицијата да застанат и отвориле оган кон нив, при што полициските сили возвратиле. Целта им била нелегален транспорт на оружје од Косово во Македонија. Оружјето што е пронајдено било со југословенско потекло, старо и подолго време неупотребувано. Во комбето се пронајдени три рачни фрлачи, три вреќи со гранати, шест вреќи ТНТ, рачни бомби, пешадиски мини, муниција и снајпери. Министерката за внатрешни работи, Гордана Јанкуловска, повтори дека не постои простор за загриженост и дека полицијата има целосна контрола врз безбедноста на граѓаните.
„Оваа акција на полицијата е уште една потврда на она што во континуитет го говориме дека нема причина за вознемиреност кај граѓаните, бидејќи полицијата има целосна контрола над бебзедносната состојба, ги имаме сите информации кои се релевантни и подготвени сме соодветно да реагираме и уште еднаш испраќаме јасна порака дека никакво насилство не може да се толерира и дека најостро ќе возвратиме на секој обид за нарушување на безбедноста, нарушување на сигурноста на граѓаните или загрозување на сигурноста на полициските служебници кои ги иозвршуваат своите редовни задачи“ изјави Јанкуловска.
Засега не ги поврзуваат двата инциденти во Радуша и во Блаце.
„Во оваа фаза на истрагата не биле оделе со поврзување, односно со јавно објавување на информациите околу поврзаноста и дејствувањето на овие екстремистички групи, заради тоа што нашите екипи се уште работат на теренот и работат на документирање на сите потребни аргументи и за овој настан и за претходните настани“ изјави Јанкуловска и порача дека никакво насилство не смее да се толерира. Таа уште еднаш изрази задоволство што сите релевантни политички фактори се оградија од претходните инциденти. Македонската полиција на крајот на минатиот месец пронајде поголемо количество оружје, кај селото Блаце во близина на границата со Косово. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.