Одбележувајќи ја својата матура над 800 матуранти од неколку градови во Македонија, денеска, точно напладне, на скопскиот плоштад „Пела“ по четврти пат учествуваа на меѓународната манифестација „Матурска парада 2010“.

Одбележувајќи ја својата матура над 800 матуранти од неколку градови во Македонија, денеска, точно напладне, на скопскиот плоштад „Пела“ по четврти пат учествуваа на меѓународната манифестација „Матурска парада 2010“.

Матурантите танцувајќи „квадрил“ истовремено им се придружија на нивните врсници од Албанија, Бугарија, Романија, Србија, Црна Гора, Босна и Херцеговина, Хрватска и Словенија со цел да постават нов Гинисов рекорд.

„Матурската парада“ е истовремено играње на танцот „квадрил“ од Штраусовата опера „Лилјакот“, и се игра во четири слики Панталон, Ете, Пасторел, Финале и трае осум минути.

Заради исполнување на условите за истовремено играње на сите учесници на оваа манифестација во 11 часот и 50 минути и беше даден сигнал од организаторот од Љубљана, Радио СлоВал 202, а музиката преку сателит ќе ја преземе Македонското радио.

Манифестацијата е иницирана во 2001 година од Словенецот Томаж Амброж и неговата танц-школа „Уршка“.

Покрај забава и новина во одбележувањето на матурата, таа е и Гинисов рекорд во синхронизирано танцување, а бројот на танчери се зголемува секоја година.

Организатори на Матурската парада во Македонија се Дирекцијата за култура и уметност – Скопје и „Ритам плус“. Генерален покровител е Градот Скопје и општините во Македонија.     Манифестацијата е поддржана и од Канцеларијата на специјалниот претставник на ЕУ, АМСМ, Секјуриком, Мек Доналдс и Македонското радио.

Во забавниот дел на „Матурската парада“  настапија Александар Белов и Ристе Тендовски./крај/ир/