Во рамките на меѓународната вежба ,,Светлина 10“, на армискиот полигон (АП) ,,Криволак“ во секторот ,,Мушанци“ денеска ќе се изведе вежбовна целина со сценарио за реакција во услови на земјотрес.

Во рамките на меѓународната вежба ,,Светлина 10“, на армискиот полигон (АП) ,,Криволак“ во секторот ,,Мушанци“ денеска ќе се изведе вежбовна целина со сценарио за реакција во услови  на земјотрес.Според сценариото учесниците на ,,Светлина 10“  ќе работат во услови на кризна состојба предизвикана како последица на силен земјотрес во измислената земја Атлантика. Првите проценки од страна на меѓународните хуманитарни организации кои се наоѓаат во Атлантика укажуваат на најмалку 2.000 загинати, 5.000 ранети и 150 исчезнати лица, како и за огромни разурнувања и штети во областа погодена со земјотресот. Заради тешката и сложена состојба, училиштата не работат, болниците работат во крајно тешки услови и со минимален капацитет и се преполни со болни, повредени и изнемоштени лица, а информациите од теренот говорат дека над 25.000 лица останале без својот дом. На ,,Светлина 10“ главен координатор е Секторот за цивилна  одбрана во Министерството за одбрана (МО), а покрај студентите од  Институтот за одбранбени и мировни студии при Универзитетот ,,Кирил и Методиј“ од Скопје и државните колеџи и универзитети од САД (Воениот колеџ од Њујорк, Цитадела од Јужна Каролина, Државниот колеџ Индијан Ривер од Форт Пирс-Флорида и универзитетите од Оклахома, Мисури и Род Ајленд) ќе учествуваат: припадници од Дирекцијата за заштита и спасување (одделение за претраги од Штип), припадници од единицата за службени кучиња при одделението за посебни единици во централни полициски служби при Бирото за Јавна Безбедност на МВР, припадници на АРМ, локалното население од селата Пепелиште, Криволак и Црвени Брегови, припадници од Воено медицинскиот центар на АРМ, како и припадници на противпожарната единица од општина Неготино. На вежбата во ,,Мушанци“ се очекува да биде демонстрирана практичната примена на стандардни оперативни процедури за реакција во состојби опишани во сценариото на вежбата. /крај/со/ит