Македонија
Власта оптимист, опозицијата го куди Груевски по Брисел
Во Собранието пратениците на власта и опозицијата со различни оцени на вчерашната посета на премиерот Никола Груевски на Брисел и неговите разговори со еврокомесарот за проширување Штефан Филе и особено со грчкиот премиер Јоргос Папандреу.
Во Собранието пратениците на власта и опозицијата со различни оцени на вчерашната посета на премиерот Никола Груевски на Брисел и неговите разговори со еврокомесарот за проширување Штефан Филе и особено со грчкиот премиер Јоргос Папандреу.„Ние треба да бидеме оптимисти затоа што имаме лобисти во ЕУ и верувам дека ќе се најде решение затоа што сите во Европа ја гледаат Македонија таму“, изјави пратеникот Сафет Незири од владејачката Демократска унија за интеграција.Според коалициониот партнер во владата на ВМРО-ДПМНЕ, добро е што премиерите на Македонија и на Грција имаат директни средби на кои разговараат за изнаоѓање соодветно решение прифатливо и за двете држави, Според Незири, оптимистичките најави на некои европски дипломати дека може да се најде решение за името во скоро време, се оправдани и покажуваат дека не треба да се губи надеж.„Изјавата на Друцас е еднострана информација и верувам дека кога премиерот Груевски ќе биде подготвен и ќе оцени дека треба да даде информација, тоа и ќе го стори“. Незири смета дека тоа што се случуваше деновиве во Брисел нема да влијае врз односите во коалицијата а дека решавањето на проблемот влијаат повисоки фактори отколку што се меѓупартиските односи во коалицијата.ЛДП смета дека не допустливо е премиерот Никола Груевски да не даде никаква информација за тоа што се разговарало во Брисел со грчкиот премиер Јоргос Папандреу, рече Роза Топузова Кареска ,„За жал, ние дознаваме од медиумите од Грција, но тоа што се случи овојпат не претставува ништо ново “, доде пратеничката Топузова Кареска. Таа смета дека однесувањето на премиерот Никола Груевски по последниот престој во Брисел е „скандалозно“. Крајно време е премиерот Груевски да излезе до уверливо образложение за прашањето што ги поставува опозицијата но и да им даде одговор на оние што го поддржуваат – за што точно преговара со грчкиот колега Папандреу за едно од најважните прашање за Републичка Македонија, смета Горан Мисовски од опозициската НСДП.„Стана практика за едно од најважните праша за Република Македонија за која според последните информации кои пристигнуваат од Брисел не е на добар пат за постигнување компромисно решение да дознаваме од грчките медиуми“, вели МисовскиСпоред него, Груевски ни случајно не смеел да побегне од македонските медиуми и да дозволи алтернативниот шеф на грчката дипломатија Димитрис Друцас преку македонските медиуми да ни ја прати пораката што за Македонија значи постигнување договор со Атина. Опозициската НСДСП го обвинува премиерот Груевски дека „води соло политика по прашањето за името и дека на македонскиот народ му се потребни повеќе информации за овие разговори“. Нова демократија на Имер Селмани смета дека и покрај позитивната волја на европските институции за зачленување на Македонија во Европската Унија, се соочуваме со недостиг од политичка волја од македонската страна. Вчерашните случувања во Брисел, пратеничката на оваа опозициска партија Фљора Кадриу ги оцени како потврда дека без решени за името Македонија нема да биде примена во Европската Унија.„Како што одминува времето и како што се однесува Македонската влада, го губиме чекорот со новиот европски концепт со кој секоја држава од регионот се оценува според индивидуално постигнатите резултати.“, рече Кадриу Според неа, не само за решението на спорот со Грција за името, Република Македонија треба да ги исполни и другите критериуми што ги потенцираше и еврокомесарот Филе, за судството и јавната администрација но и критериумот на политички дијалог.Вчерашната средба на премиерите Груевски и Папандреу, Кадриу ја оцени како „продолжение од епизодите од фотографирањето на двајцата премиери“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.