Македонија
СДСМ ќе поднесе интерпелации за Вељаноски и Јанкуловска
СДСМ денеска информираа дека ќе поднесат интерпелации за претседателот на Собранието, Трајко Вељановски и министерката за внатрешни работи, Гордана Јанкуловска.
СДСМ денеска информираа дека ќе поднесат интерпелации за претседателот на Собранието, Трајко Вељановски и министерката за внатрешни работи, Гордана Јанкуловска.
„Заради одлуката на ВМРО ДПМНЕ свесно да ја уништи нашата иницијатива да се формира Анкетна Комисија, пратеничката група на СДСМ ќе ги искористи другите механизми што ги нуди деловникот, и за утврдување на политичка одговорност за собранискиот инцидент ќе поднесеме интерпелации за претседателот на Собранието, Вељаноски и министерката за внатрешни работи, Јанкуловска“, рече на денешната прес-конференција секретарот на СДСМ, Андреј Петров.
Според Петров власта свесно бега од институционална разврска и како што рече покажува дека сака да ја сокрие сопствената одговорност за собранискиот инцидент.
„Поминаа 24 часа, а за жал можеме да констатираме дека не победи разумот, не победи парламентарната демократија, победија личните и тесно партиски интереси на ВМРО ДПМНЕ. Се потврди дека упадот-пучот на извршната врз законодавната власт е стратегија на Груевски и ВМРО ДПМНЕ за инсталирање на полициска држава“, изјави Петров.
Доказ за притисокот на извршната врз законодавната власт според СДСМ е писмото на Јанкуловска со која како што вели Петров таа однапред ги квалификува, осудува и им се заканува на пратениците на СДСМ.
За СДСМ, Вељановски е само формално втор човек во државата, тие велат дека одлуките се носат на друго место и оти тој само треба слепо да ги извршува одлуките на Груевски и ВМРО-ДПМНЕ.
СДСМ најавија дека и понатаму нема да одат на координации кај Вељаноски, но дека ќе учествуваат на пленарните и комисиски седници во парламентот.
„Нашето неодење на координациите кај претседателот на Собранието продолжуваат и понатаму, бидејќи за жал истите се протоколарни и немаат никакво значење.
Но, заради националните интереси и Евроатланските интеграции на Република Македонија, пратеничката група на СДСМ ќе учествува во работата на комисиите и пленарните седници на Собранието“, рече Петров./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска Давкова од Крушево: Крушевчани имаат на што да бидат горди, ќе покажам и ќе докажам дека сум тука поради граѓаните, не поради себе
Денеска Гордана Сиљановска-Давкова во рамките на кампањата за вториот изборен круг од претседателските избори беше во Крушево.
Во своето обраќање пред граѓаните на Крушево, Сиљановска-Давкова порача: „Морам да кажам дека тука во Крушево има куќи кои се бисер на македонската архитектура, доказ за нашата историја, тие сведочат дека во нив илинденците мислеле, правеле планови за Македонија. Крушево треба да биде метропола на културата. Вие Крушевчани има на што да сте горди и вие заслужувате самопочит. Не заборавјате, ако не се самопочитуваме никој нема да не почитува. Мора да го вратиме животот во Крушево, тука има шанси за опстанок“, рече таа.
Ви ветувам, додаде Сиљановска-Давкова, дека ќе се опкружам со луѓе од знаење.
„Но и ви ветувам дека секогаш ќе бидам блиску до вас. Како? Преку народните канцеларии. Народните канцеларии за првпат ги примени поранешниот претседател, господинот Иванов. Мислам дека требаше да останат. Токму преку народните канцеларии јас ќе имам можност честопати да доаѓам овде, да ве видам и да видам на што сте се покажлиле, што сте предложиле. Понатаму, во зависност од тоа дали сметаат граѓаните дека треба нешто да се промени ќе правам список на приоритети кои ќе ги реализирам. Ќе покажам и ќе докажам дека сум тука поради вас, не поради себе“, истакна таа.
Крушево, како што вели е жив културен споменик.
„ Искористете ги луѓето кои уште во меморијата го имаат она што ние го забораваме. Кога ќе се грижиме за споменот на Тоше, кога ќе им оддаваме почит на партизаните, кога нема да ги заборавиме Карев, Питу и останатите, тогаш ќе бидеме горди на Македонија„, порача Сиљановска-Давкова.
Во рамките на денешните активности, Гордана Сиљановска-Давкова на Гумење оддаде почит на гробовите на Питу Гули и партизаните, како и на гробот на Тоше Проески, а исто така ја посети и Спомен куќата посветена на него и споменикот Македониум. Во текот на денот, имаше можност да ги види изложените ракотворби изработени од здруженијата на жени на Крушево, а исто така и да оствари повеќе средби со граѓаните.
Македонија
Николоски до директорот на ТЕЦ Неготино: Од каде ти се парите за хациендата во која живееш, дали од крими тендерите на сопругата во РЕК Битола или од твојот криминал со мазут во ТЕЦ Неготино?
-За Неготино предвидуваме убави работи во оваа програма, предвидуваме изградба на експресниот пат Кавадарци до Неготино, планираме изградба на обиколница околу Неготино, планираме завршување на гасификацијата и гасификација на ТЕЦ Неготино. Планираме можеби за мене најзначајно најдостоинствени цени за лозарите, за откуп на грозјето кои што ќе значат достоинствено и зголемено производство и она што е многу значајно рестартирање на Повардарие доколку не може на друг начин државата да го рестартира, за да се стави крај во откупот на монополот во откупот на грозје и производството на вино, за да ставиме крај на олигархијата која што ве понижува со понижувачките цени кои што ги даваат за откуп на грозје, истакна Александар Николоски, потпретседател на ВМРО-ДПМНЕ и носител на ИЕ 3 на денешниот митинг во Неготино во рамки на претседателската и парламентарната кампања.
Николоски пред неготинчани рече дека во секоја општина има по неколку криминалци од СДСМ, но неготинчани за жал имаат двајца од најголемите кои се токму во Неготино, посочувајќи дека едниот е актуелниот директор на Електрани на Македонија, другиот актуелниот директор на ТЕЦ Неготино.
-Постојат многу причини зошто СДСМ и ДУИ ќе се борат до последен ден, пред се заштита на криминалот и корупцијата. Криминалци има од секоја општина од секое место во Македонија, но вие ја имате несреќата двајца од најголемите да се токму од Неготино. Едниот актуелниот директор на Електрани на Македонија, другиот актуелниот директор на ТЕЦ Неготино. И кога се прашувате зошто им го дозволуваат ова што им го дозволуваат на ДУИ, единствениот одговор е за да можат да крадат заедно и едните и другите, нема друг одговор освен ова, истакна тој.
Николоски упати прашање до актуелниот директор на ТЕЦ Неготино со која директорска плата се гради хациенда како неговата, посочувајќи дали истата е платена од тендерите кои неговата сопруга ги има добиено од крими тендерите во РЕК Битола или пак од неговиот криминал со мазут во ТЕЦ Неготино?
-Би сакал одовде да го прашам директорот на ТЕЦ Неготино со која директорска плата се гради хациенди како да е на Холивуд, со која директорска плата директоре си градат хациенди кои што не се видени на ниедно друго место во Македонија, обичен свет не може да ги замисли, а верувајте и подобри бизнисмени не можат да ги замислат. Дали тоа е со платата или можеби од тендерите која што твојта сопруга ги добива преку нејзината фирма во Електрани во Македонија, но сега малку подолу во РЕК Битола, праша Николоски.
Николоски нагласи дека деновиве има сознанија за влијание на граѓаните и притисоци, уцени и закани како и нудење за поткуп, укажувајќи дека ќе има одговорност и за ова, но и за тендерите на мазут.
– И слушам деновиве во нелегални активности на обид за влијание врз гласачи на притисоци, на уцени, на закани на нудење на поткуп на гласачи, за тоа се одговора како што ќе се одговара за криминалот и корупцијата во ТЕЦ Неготино, ние баснословната набавка на мазут нема да ти ја заборавиме, ни првата, ни втората. Ние нема да заборавиме како беа штелувани условите за да не може да се пријави никој друг освен оној кој што го доби тендерот, рече Николоски.
Македонија
Мицкоски: ВМРО-ДПМНЕ ќе го истреби криминалот и за истиот ќе има одговорност, затоа ни треба поддршката од граѓаните на 8 мај за број 2
Многу е важно да се земе активно учество во овие избори. Резултатот во првиот круг беше би рекол историски. Владата е делегитимирана и треба да оди во опозиција и СДСМ и ДУИ, рече лидерот на ВМРО-ДПМНЕ, Христијан Мицкоски на денешниот митинг во Неготино.
Мицкоски посочи дека СДСМ денес се претвори во обичен измеќар на ДУИ, затоа ова што им се случува не е случајност.
„ДУИ и СДСМ мора да одат во опозиција. Мора да престане праксата ДУИ ќе биде малку со ВМРО-ДПМНЕ, па со СДСМ. ДУИ сака да го понижи македонскиот народ и да ја клекне на колена Македонија. Ми пречи криминалот на ДУИ. Тие повеќе од 20 години крадат од сите вас. Тие повеќе од 20 години ја урнисуваат Македонија. СДСМ мислеа дека противник им е ВМРО-ДПМНЕ, а не гледаа што прават од ДУИ“, кажа Мицкоски.
Затоа, додаде Мицкоски, сакам да предупредам за нешто за што имам информации дека се случува.
„Банди од ДУИ обиколуваат граѓани. Ќе се обидат да го купат гласот, ќе се обидат ДУИ да има пратеник во изборните единици 3 и 4. Секој бандит кој ќе нуди пари, практично ви нуди ваши пари, украдени од вас. Предупредувам да не биде дека не сум кажал. Мои браќа и сестри се сите граѓани, но нема простор за криминалците. Тие знаат што ги чека. Јас нема да правам пакт со криминалот, туку ќе го истребам. Мора да има одговорност за криминалот“, вели Мицкоски.
Мицкоски посочи дека ќе тропне на секоја порта.
„Македонија е држава на лојални граѓани без разлика на етничка припадност. Ќе побараме поддршка, ќе замолиме, ќе предупредиме дека ова се клучни избори. Секој човек ќе го убедам дека секој мора да излезе да ставиме крај на ова уништување на државата“, кажа Мицкоски.
Мицкоски укажа дека ова е момент да се обединиме.
„Ги повикувам сите, поддржувачи на СДСМ, оние кои останаа дома, сите да излеземе против оваа власт. Вашата доверба нема да ја изневериме потребна е поддршка за Македонија“, рече Мицкоски.