Со материјалите од весникот на српските католици „Благовестие“ од 1932 година, на најавтентичен начин дознавме дека националната припадност на Мајка Тереза е албанска, рекоа за Макфакс од Здружението на Албанските историчари (ЗИА).

Со материјалите од весникот на српските католици „Благовестие“ од 1932 година, на најавтентичен начин дознавме дека националната припадност на Мајка Тереза е албанска, рекоа за Макфакс од Здружението на Албанските историчари (ЗИА). „Заради дилемите кои се појавуваат во родниот град на Гонџа Бојаџиу – Мајка Тереза, кој и порано беше центар на косовскиот Вилает, додека сега е и главен град на Р. Македонија, нејзината национална припадност, нејзиниот мисионерски живот и нејзината светост на овие дилеми на најсоодветен и научен начин писмено се одговара во службениот весник на католиците од овој регион меѓу двете светски војни, под наслов „Благовјест“ кој е печатен во декември 1932 година,“ рече за Макфакс, Скендер Асани, Потпретседател на Здружението Историчари Албанци. Тој истакна дека преку размената на писмата на Мајка Тереза со нејзините другарки и пријатели од Скопје во кои пишува за нејзиниот мисионерски живот во Бенгалија се докажува дека таа самата се изјаснила како Aлбанка. „Јас ги пронајдов овие документи истражувајќи низ архивите на Македонија и архивите на регионот,“ тврди Асани. Артан Груби од Граѓанското движење „Разбуди се“ кои како што рекоа „безрезервно го поддржуваат овој проект на „Здружението на Албанските Историчари“ кој цели да обелодени некои од непознатите факти за Мајка Тереза“ во својата посвета на книгата „Еден век љубов“ вели: „албанскиот народ и ја подари на светот мајката што му недостигаше и таа ни возврати со продолжување на огромните албански придонеси за човештвото. Нејзината личност и вредностите што ги претставуваше се поврзуваат блиску со карактеристиките на Албанскиот народ помеѓу кои се истакнува Албанската меѓуверска толеранција која како поврзувачки мост помеѓу Албанците и треба да служи како пример за целиот свет за конструктивните односи помеѓу различните религии“. Од „Разбуди се“ велат дека со објавувањето на ваквите материјали нивните активисти ги продолжуваат “огромните напори во промоција и одбрана на личноста на Мајка Тереза од присвојување но и истовремено ги промовираат вредностите на оваа голема личност“. Промоцијата на овие материјали е дел од проектот „Еден век љубов“ кој според  Здружението Историчари Албанци и Граѓанското движење „Разбуди се“ сеуште ја очекува подршката од страна на Секретаријатот на Имплементирање на Охридскиот договор и Владата./крај/ко