Македонија
Започна распределбата на бесплатните учебници за 2010/2011
Учебниците за петто одделение се отпечатени и започна нивната дистрибуција, објави денеска Министерот за образование и наука, Никола Тодоров при делењето на комплети учебници за петтодделенците во скопското училиште „Дане Крапчев“.
Учебниците за петто одделение се отпечатени и започна нивната дистрибуција, објави денеска Министерот за образование и наука, Никола Тодоров при делењето на комплети учебници за петтодделенците во скопското училиште „Дане Крапчев“. „Испечатени се над 210.000 учебници за 5-то одделение. Знаете дека овие книги се во рамки на делот на надлежностите на МОН, книги чии авторските права ги има само МОН и кои се печатат од страна на МОН,“ рече Министерот и додаде дека привршува и печатењето на книгите за осмо одделение кои за два до три дена би требало да бидат готови и да се започне со нивна дистрибуција. Министерот Никола Тодоров најави дека оваа година ќе бидат испечатени учебниците кои не беа испечатени лани, односно учебниците по музичко, физичко, ликовно и техничко образование.Тој извести дека учебниците од 1-во до 3-то одделение не ги печати министерството, но сепак најголем дел од тие книги се обезбедени и ќе бидат дистрибуирани на почетокот на наредната недела.„За сега од 20 учебници за 5-то одделение дистрибуирани се седум предмети, останатите три ќе бидат доставени наскоро,“ рече Тодоров.Наместо учебниците да се земаат од дистрибутивни центри, како што беше досега, оваа година тие ќе бидат доставувани до секое училиште.Проектот за бесплатни учебници започна минатата година и истиот чинеше околу една милијарда денари кои беа искористени за печатење на околу 4 милиони учебници./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.
Македонија
Дождливо со максимална температура до 12 стапени
Метеоролозите за денеска прогнозираат облачно време, со врнежи кои ќе бидат сконцентриани во крајниот западен регион во сабота и тоа повеќе во втората половина од денот.
Од УХМР велат, дека врнежи ќе бидат слаби и дека во најголем дел од котлините ќе имаат појава на магла и ниска облачност наутро, но со тенденција тие да се задржат во поголем дел од претпладнето.
Позачестени врнежи се очекуваат во недела, и тоа повторно повеќе во западниот крај, но без голем потенцијал за значајна количина на воден талог. Приквечер врнежи може да се очекуваат и во североисточниот крај.
Заради влијанието на јужното струење, снег ќе врне само на височина над 1.700 метри. Во сабота навечер и во првата половина од недела очекуваме умерен југозападен ветер во западните делови од земјава.
Наутро ќе имаме претежно негативни вредности на температурата, но не пониски од -5°С.Во сабота температурата низ поголем дел од котлините и повисоките неселени места ќе има вредности во границите помеѓу 6°С и 8°С. Потопло ќе биде на југоисток каде максималната температура ќе достигне до околу 12°С.
Недела ќе биде за околу 2°С потопла во однос на сабота.

