Законот за куќен совет да се повлече, да се стави во мирување од една година и да се направат измени реагираат од Конфедерацијата на синдикални организации (КСО).

Законот за куќен совет да се повлече, да се стави во мирување од една година и да се направат измени реагираат од Конфедерацијата на синдикални организации (КСО).

„Апелираме до премиерот и министерот за транспорт и врски да го стават во мирување законот да се направат јавни трибини и да се договориме кои се недостатоците, законот е добар но да се имплементира во некоја европска земја каде што граѓаните имаат стандарт во вакви услови на загрозена економска ситуација не се потребни дополнителни трошоци за граѓаните“, рече Маријан Ристевски претседател на КСО.

Тој вели дека законот ги нарушува меѓучовечките односи бидејќи се создава кавга меѓу станарите и дека на  овој начин се отвораат дополнителни трошоците кои нема да изнесуваат 300 денари туку за неколку пати зголемени.

„За прв пат граѓаните му рекоа не на некој закон, оваа реакција е за поздравување Владата треба да се замисли и да го повлече, да се преработи се она што е позитивно ќе се прифати, но тоа што создава револт кај граѓаните треба да се измени“, изјави Ристевски.

На последниот ден од рокот за регистрација на заедниците на сопственици во Централниот регистар пристигнаа само околу 130 пријави, до сега се регистрирани нешто повеќе од 500 заедници на сопственици, а одзивот на станарите е околу пет до седум отсто.

Според законот за домување, станарите на една зграда можат да изберат или Претседател или Управител на зградата кој е должен да се грижи за нејзино одржување и за распределување на буџетот.

Во државава има околу 10 илјади станбени згради, а заедниците на сопственици можат да се регистрираат во сите градови каде Централниот регистар има свои канцеларии, освен во градовите Кратово, Крушево и Демир Хисар./крај/мт