Македонија
Министерство за култура: Петровски има големо непознавање
Изградбата на Музејот на вода во Заливот на коските во Охрид претставува комплексен и одржлив проект, од кој има не само туристички туку и економски бенефит, а Петровски има големо непознавање на целиот проект.
Изградбата на Музејот на вода во Заливот на коските во Охрид претставува комплексен и одржлив проект, од кој има не само туристички туку и економски бенефит, а Петровски има големо непознавање на целиот проект. Ова е реакцијата на Министерството за култура по тврдењата на Бранко Петровски од партијата „Обединети за Македонија“ дека Владата прави криминал во културата со изградбата на дрвените наколни колиби во Заливот на коските во Градиште, за кои според Петровски се потрошени 3,5 милиони евра. „Владата на Република Македонија, преку Управата за заштита на културното наследство во изминатиот период инвестираше средства за реализација на комплексна музејска програма која содржи: конзервација, реставрација и реконструкција на Римска тврдина со видиковци, изградба на вкупно 24 праисториски куќички, инфраструктура и други зафати кои овозможуваат овој музејски центар, единствен на Балканот да биде исклучителна туристичка дестинација,“ реагираат од министерството за култура. Тие тврдат дека за Музејот на вода има незапаметена заинтересираност и од домашните и од странските туристи од целиот свет и за него се продадени над 2500 влезници на неделно ниво, нешто што досега не е забележано во нашата земја./крај/со/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Со ВРЕДИ во Владата веќе нема вработувања за Албанците
„Јавните предупредувања за деалбанизација на државата, сега во пракса ги реализира оваа моноетничка власт во која се и губитниците на изборите или нарушувачите на албанскиот легитимитет. ВРЕДИ ги затвора очите и дозволува уништување на најважните достигнувања на Албанците последните две децении по ред, од војната во 2001 година“, соопшти ДУИ.
„Демократската Унија за Интеграција ја изразува својата загриженост во врска со последната одлука на Уставниот суд да започне постапка за оцена на уставноста на одредбите кои се однесуваат на „етничката припадност“ во контекст на вработувањето во јавниот сектор.
Оценуваме дека оваа одлука директно ги прекршува клучните одредби од нашиот Устав и ги загрозува темелите на нашето мултиетничко општество изградено со големи тешкотии.
Со оваа одлука се нарушува правичната застапеност на Албанците во државните институции, односно нема повеќе вработување за Албанците.
Поради тоа, ДУИ апелира за итно преиспитување на оваа одлука, со цел да се заштити интегритетот на уставниот поредок и да се обезбеди принципот на правична и соодветна застапеност да остане ефективен и применлив во пракса.
Ги уверуваме нашите сограѓани дека ќе останеме будни во заштитата на овој клучен уставен принцип. Само така можеме да обезбедиме безбедна, правична и еднаква иднина за сите граѓани на Република Северна Македонија“, се наведува во соопштението на ДУИ.
Македонија
Започнува судењето за двојното убиство на Вања и Панче
Во Основниот кривичен суд Скопје денеска започнува судењето за двојното убиство на 14-годишната Вања Ѓорчевска и велешанецот Панче Жежовски.
Судечкиот совет при Основниот кривичен суд Скопје донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и против првоосомничениот Љупчо Палевски.
За Палевски се чекаше екстрадиција од Турција, за двојното грабнување и убиството на малолетната Вања Ѓорчевска од Скопје и 74-годишниот Панче Жежовски од Велес.
Покрај Палевски, обвинети се и Боре Видевски, Велибор Манев, Влатко Кешишов, како и таткото на Вања, Александар Ѓорчевски.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.
Македонија
Николоски на бројни средби со министрите за транспорт од ЕУ, ќе го претстави планот за изградба на брза пруга на Коридор 10
Заменик претседателот на Владата и министер за транспорт Александар Николоски учествува на состанокот на министри за транспорт на земјите членки на Европската Унија.
Министерот Николоски вчеравечер оствари работна вечера со министрите за транспорт на Белгија, Малта, Грција, Германија и Кипар.
На средбата мнистрите разговара за развој на транспортниот сектор во регионот. Министерот Николоски ги претстави приоритетите на Македонија, со посебен фокус на изградба на брза пруга на Коридор 10 како и олеснување на транспорот и трговијата меѓу земјите од Западен Балкан. Нагласена беше важноста и од изградба на Коридор 8.
Во рамки на денешниот министерски собир, министерот Николоски ќе оствари работни средби и со министрот за транспорт на Италија, потоа со министерот на Унгарија и Австрија, како и со претставници на ЕУ каде ќе ги претстави проритетите на Македонија.
Состанокот на министри во Будимпешта е организиран од Унгарија во рамки на нејзиното претседателство со Европската Унија. Покрај министрите за транспорт од Унијата, на неформалниот состанок учествуваат и министрите за транспорт од земјите од Западен Балкан, од земјите од ЕФТА, Украина, Молдавија и Грузија, како и претставници на институциите на Европската Унија и транспортни организации.
На собирот на министри и денеска ќе се разговара за предизвиците на транспортниот сектор на ЕУ, подобрувањето на конкурентноста и поврзаноста меѓу ЕУ и соседните земји меѓу кои и земјите од Западен Блакан. Посебен фокус ќе биде железничкиот сектор, мерки и стратегии потребни за воспоставување на брза железничка мрежа.