Европратеникот Бернд Поселт, по денешната средба со претседателот Ѓорге Иванов, изрази надеж дека Македонија би добила датум за преговори за време на унгарското претседателство со Европската Унија, кое ќе трае во првата половина од 2011-та година.

Европратеникот Бернд Поселт, по денешната средба со претседателот Ѓорге Иванов, изрази надеж дека Македонија би добила датум за преговори за време на унгарското претседателство со Европската Унија, кое ќе трае во првата половина од 2011-та година. Според Поселт, проблем претставува што Белгија, која моментално е претседавач, ја води техничка влада. Смета дека за време на претседателството на Унгарија, која ја смета за голем пријател на Македонија, постои добра можност за старт на преговорите.„Проблемот е што сега го имаме белгиското претседателство, тие се отворени за Македонија, но немаат влада во ова време. Малку сме скептични во однос на ефикасноста на белгиското претседателство. Но, Парламентот функционира, Комисијата функционира. Се надевам на успех за време на унгарското претседателство.“, вели Поселт.Според него, главен проблем до донесувањето на одлуката за старт на преговорите е злоупотребата на правото на вето од страна на Грција. „Проблемот е во Советот, една од клучните институции во ЕУ. Значи не е ЕУ во прашање, туку Европскиот Совет. Во Советот се потребни сите гласови. Проблемот е што Грците ја злоупотребуваат нивната позиција во Советот за да ја блокираат одлуката. Ова е проблемот што го имаме – злоупотребата на правото на вето од страна на Грција. Ова не е проблем на толеранција, ние не толерираме ништо, поради тоа што ова не е прифатливо.  Нашиот проблем е институционален. Без согласност од Грција, Советот не може да одлучи. “, вели Поселт.Европратеникот и со совет за македонските политичари – да нема разногласија кога е во поглед европската агенда. „Би сакал многу јасно да порачам – мора да постои консензус. Не само што е право, туку е и обврска на опозицијата да се спротиставува. Тоа е во ред, јас сум парламентарец, обожавам да се спротивставувам. Тоа е нормално. Но, мислам дека опозицијата не треба да оди во Брисел и во Стразбур и да ја уценува сопствената влада. Тоа не е добро за земјата. Сите сили треба да работат заедно во корист на својата земја.“, изјави Поселт.Тој најави лобирање во однос на одредувањето датум за преговори за Македонија и во следниот период. /крај/ач